為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 04 日

【勁靚仔呀】64歲冥壽前夕 日籍攝影師分享哥哥未曝光浴室相

相中42歲嘅哥哥仲係好靚仔。

張國榮(哥哥)於本月12日64歲冥壽,雖然他離開了17年,但歌仔都有得唱「活在妳心內,分開也像同渡過!」一眾歌迷並沒有因時間沖淡對偶像的思念,對哥哥未曾遺忘!

除了哥哥生前所屬的環球唱片公司,將於下星期推出從未曝光的《春夏秋冬》版本之外,曾為哥哥拍攝寫真集嘅日本影師清永安雄(kiyona kmop)噚日喺社交網站中分享咗5張喺22年前,由他操刀為哥哥拍下嘅型男寫真相,kiyona並留言:「22年前,喺張國榮嘅全力配合下,我哋喺澳門一間酒店拍攝咗嘅寫真相。」

當年清永安雄為哥哥拍攝寫真集《ALL ABOUT LESLIE》,而呢5張應該係未曝過光嘅絕密作品。相中嘅哥哥42歲,但風采依然,相當靚仔。身穿黑衫黑褲嘅哥哥喺浴室取景,面帶燦爛笑容的他,加埋迷人眼神,簡直殺死人。哥哥仲不停換pose,做出自攬、雙手握拳等動作,既跳脫又可愛,睇到一眾粉絲心心眼,真係乜回憶都返晒嚟,好正呀!

迷人眼神,簡直殺死人。

不停換pose,既跳脫又可愛。

面對鏡頭,哥哥相當目然。

當年喺澳門一間酒店取景。

昨日清永安雄喺社交網站中分享咗5張未曝過光嘅哥哥寫真相。

去年張國榮忌辰,唐鶴德分享為哥哥撐傘的舊照。

張國榮於1978年首度擔正麗的(亞視前身)劇集《浣花洗劍錄》男一,未紅經已相當靚仔。

哥哥1977年參加麗的電視舉辦的亞洲歌唱大賽入行。

環球唱片斥重金打造專輯《REVISIT》,重製哥哥生前於環球年代推出的作品,喺哥哥64歲生忌當日面世。

前經理陳淑芬年年都同歌迷去拜祭哥哥,相當有心。