為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 03 日

拍新歌《乾爹》MV冇底線 關智斌濕身自摸太大膽

關智斌接受主播許文軒專訪講新歌《乾爹》。

關智斌(Kenny)日前作客TVB娛樂新聞台節目《StarTalk》,接受主播許文軒(Edmond)專訪,大談重拾歌手身份推出新歌《乾爹》感受。Kenny説:「今次得到Dear Jane嘅Howie寫歌,佢個Demo把聲好磁性,唔知關唔關嗰排睇緊《愛的迫降》事,一聽隻歌已經有韓劇Feel,好有畫面。本身今年想造多啲快歌,但聽咗之後唔想錯過呢次機會,所以即刻要咗首歌。另外有Dear Jane另一成員Tim幫手做監製,喺佢嘅帶領下用咗新嘅唱腔,減少咗啲氣聲,人越大覺得唱歌係用感情表達,而且我又唔係啲技巧型歌手,所以今次錄音以Feel行先,想用情感去打動人,唔再以聲音嘅Quality而行。」

提到MV題材大膽,Kenny說:「導演有問自己有冇底線,其實畀條褲我都OK,不過我好驚啲人以為我為咗祼露而祼露,但今次MV真係有咁嘅需要,講都市人好寂寞,玩App識人嘅即食感情。當中有一場喺浴缸自己摸自己嘅戲,拍嘅時候唔覺大膽,因為投入咗個角色,但睇返之後自己都『嘩!』一聲,原來意識咁大膽,o依家講返面都紅晒,但呢一場戲最終冇放入MV內,只係放咗上網當宣傳。」

Kenny同Edmond 透露錄《乾爹》以Feel行先,想用情感去打動人。

MV中,雖然冇自摸場面,一樣有不少騷肌畫面。

連沖涼鏡頭都有。

當然唔少得感情戲份。