為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 08 月 31 日

推新歌〈短期租約〉 徐加晴搵男友有難度

徐加晴( Rona )最近推出新歌〈短期租約〉,繼上一首單曲〈十四天〉貼地寫實講述疫情,今次新歌〈短期租約〉亦再次講述港人近況。很多小店都受到「14天」又「14天」的限聚令影響下即將面臨倒閉結業。

〈短期租約〉用愛情小故事包裝,講述香港人面對現店鋪結業潮,作曲方面徐加晴連同正職為律師的曾家瑋、刀柏文共同創作,歌詞部份就交由楊熙填寫。MV中講述一對小情侶一同悉心經營咖啡小店,但因為疫情關係市道差,生意做不住,最後敵不過錢銀問題而令愛情都一同結業,題材相當貼地。加晴笑說:「我喺拍攝〈短期租約〉MV 時演出好投入,其中導演安排一幕在咖啡室內有條小行位置拍攝,側邊有個水喉,忽然大家都靈機一觸「師傅到」想演繹水滴係手但捉唔住嘅畫面,用嚟比喻呢段愛情都留不住,點知當我表情同手部動作好投入之際,忽然聽到有同事叫我將手上盛載住嘅水滴飲咗佢,大叫吞落肚,我差點就跟住做,一cut機後大家都瘋狂大笑,幸好我無跟著指令做咋,如果唔係拍底咗就笑料大出啦!」

 另外,談及挑選男主角方面,加晴說:「揀男主角都真係好頭痕!首先身高要高大過我,氣質又要有文青嘅感覺,仲要識得彈一手好結他就更加難度大增啊,因為今次新歌〈短期租約〉嘅編曲只有用上木結他一種樂器去演繹,比喻香港街上店舖統統都結業嗰份孤獨嘅悲哀,所以特別要求男主角喺MV入面要真彈一段結他Solo,最後我千挑萬選就搵咗 (音樂製作人)Falcon Zit,我覺得佢完全係我夢想中男朋友嘅類型呢! 」

 

 

談及挑選男主角方面,加晴坦言很困難,最後揾來音樂製作人Falcon Zit幫手。

 

〈短期租約〉用愛情小故事包裝,講述香港人面對現店鋪結業潮,作曲方面徐加晴連同正職為律師的曾家瑋、刀柏文共同創作,歌詞部份就交由楊熙填寫。