為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 08 月 26 日

田園峰味 蘇民峰

天有不測之風雲,今年首個颱風「海高斯」上周襲港,半夜更高掛九號風球,嚇得一班「種植家」膽顫心驚,生怕悉心照料的心血,被颱風毀於一旦。
玄學家蘇民峰家有六千呎的超級平台,種有超過一百五十盆植物,包括玫瑰、朱頂蘭、天堂鳥、曇花、番薯、菠蘿、蔥、番石榴等食用及觀賞植物,每日收割下廚煮番兩味,在都巿都能享受田園風味,「以前每個月我都會出埠旅行,????家已經四個月無『飛』過,好彩屋企有個大花園,疫症期間stayhome都唔會悶。每日逐盆花捉下蟲、施下肥、除下雜草,都好多嘢玩o架!」

蘇民峰的秘密花園,上周雖然經過9號風球洗禮,幸而未有造成破壞,生長中的檸檬依然完好無缺。

 

遊埠借種

訪問的前一晚,天文台懸掛「九號波」,蘇民峰表示一早起身便去視察花園,看看心愛的盆栽有沒有損傷,他輕鬆地說:「好彩無乜嘢,只係有幾盆吹翻咗,擺番好就OK。上次天鴿就勁囉,細盆栽要搬番入屋,大花盆就放晒喺側邊,但花園出面啲枱櫈最後都吹到飛起,全部爛晒。」
有十多年栽種經驗的蘇民峰,因喜歡旅遊,每到一個地方,必定會遊覽當地的農貿市場,搜購一些特別的種子,帶回香港栽種,「好多種子拎返香港,未必可以種到,有啲過咗三、四年至發芽,耐到我自己都唔記得咗自己播過種。好耐之前喺西班牙買嘅天堂鳥種子,就最粗生,只要定時施肥,o依家生得高過個人。
「十年前,我喺美國帶咗一片曇花葉返嚟,種到o依家,我分過好多盆送俾朋友,一年開幾次花,每次有二、三十朵,『曇花一現』完,仲可以摘落嚟煲湯,煲糖水特別香o架!」

 

附近的雀鳥好鍾意食這盆番茄的嫩葉,所以每次收成,他會格外珍惜,「整番茄炒蛋,食到番茄原味。」

 

他每天待在六千呎的花園,忙得團團轉,就算不外遊亦不愁寂寞,「自九二年我習慣兩個月就去一次旅行,○五年開始就個個月出門,好耐無咁長時間留喺屋企,日日煮飯都煮到厭。」