為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 08 月 20 日

王仙兒 幸福路人甲

歌手王灝兒(JW)剛轉投新公司,事業愛情兩得意,更透露家有喜事,即將做姨媽,原來其胞姊王仙兒(Cindy)已懷孕三十七周,小姨甥準備出世。
王仙兒是活躍於社交平台的KOL,不時分享與外籍丈夫的恩愛生活。同樣擁有靚聲的她,是一位企業律師,她聲言也曾經迷失過,「初時做律師嗰五、六年好辛苦,日日瞓三、四個鐘就返工,嗰段日子好羨慕我妹,每日起身充滿正能量去做自己鍾意嘅工作。當然我真心戥佢開心,但控制唔到自己失落感,點解我唔得呢?之後諗通咗,做律師有穩定工作同收入,我自問無咁大EQ承受到做歌手嘅壓力同批評,更重要係,如果我唔做律師,就唔會識到我老公。」
王仙兒說起丈夫和即將出生的兒子,不期然流露幸福的笑容。

王仙兒早前到影樓拍孕照留念,她拉埋至愛的母親及妹妹JW一齊影,三母女猶如三姊妹般。

 

她細個不太喜歡吃正餐,經常將食物讓給貪吃的妹妹,所以JW自小肥肥白白。

 

人工授孕


臨盆在即的王仙兒,因疫症肆虐而甚少外出 ,盡量work from home,膽戰心驚九個月,終於等到BB就快出世,預產期在九月初,她猶有餘悸說:「懷孕頭三個月,香港開始有肺炎,搞到我精神好緊張,成日叫屋企人洗手,用酒精搓手液。初時老人家唔知,佢哋覺得我好怪,除咗老公,Joey(JW)係第一個知道(我懷孕),佢幫我保守秘密。直至個胎穩定咗,我先至同爹地媽咪講,因為唔想佢哋空歡喜一場。」
三十五歲的王仙兒,一六年下嫁年長六年、任職投資銀行的英籍丈夫Paul,享受完新婚的蜜月期,便計劃生兒育女。他們以為計好日子「開工」,便輕易中「寶」,誰料三個月過後,肚皮仍沒有動靜,她開始着急,拉埋外籍丈夫去看中醫調理,就算天天中藥當水飲,仍未成功,她最怕是旁人的「關心」,「爹哋媽咪都想抱孫,成日問我,嗰時我好大壓力。我同Joey講,Joey就同佢哋講,叫佢哋唔好再追問生仔嘅事,唔好再俾壓力我。我好情緒化,開心同唔開心都會擺晒上面,Joey好照顧我,成日聽我講嘢,開解我,我真係好幸運,有呢個妹。」
在好友建議下,她鼓起勇氣去看生殖科醫生進行人工授孕,她慶幸果斷就醫,才有這個得來不易的小生命,「以前以為計好日子『開工』,精子遇到卵子就會有BB,但原來咁難,每個月驗(孕)都無,真係好失望。因為三十五歲,身體開始老化,朋友叫我睇不育科做IVF(體外受精及胚胎移植),去打咗一次針取卵,之後老公喺屋企幫我打針,佢真係好好,所有嘢都好配合我,當驗到有BB,我開心到喊,呢個過程歷時差不多一年。」

兩夫婦非常恩愛,她形容丈夫性格內斂,比較文靜。她則率直又健談,二人性格一凸一凹,天作之合。

 

王仙兒早前到影樓拍孕照留念,她拉埋至愛的母親及妹妹JW一齊影,三母女猶如三姊妹般。