不似預期 吳紫韻

有「翻版高海寧」之稱的吳紫韻（Purple），昔日放棄到澳洲攻讀碩士，由模特兒轉而加入《美女廚房》充當美女學徒。入行不過兩年，她已「升呢」主持無綫的《娛樂新聞台》，總算是個好開始。

 

 

自小內向害羞的Purple，自言從冇想過加入娛樂圈，加上家人從商，跟這行風馬牛不相及。不過，世事往往出人意料，她隨着大學時期開始學舞，逐漸適應活在鎂光燈下。「我喺大學時期都有做開兼職模特兒，後來去韓國讀書，返嚟經朋友介紹下，成為名模Cara G.嘅師妹，跟住再去咗做美女學徒。節目完咗後，我有日去同個相熟嘅監製傾偈，點知佢突然叫我去casting，當時我驚到死，要我自我介紹同講一段新聞。結果，好快收到通知做《娛樂新聞台》。」
無心插柳，柳成蔭，Purple開始了跑外景「扑咪」的生涯。雖然要自己寫稿、做資料搜集，兼跑到身水身汗，但邊學邊做，進步神速，三個月後已調入廠。她坦言︰「我從來都冇預期，呢次都係巧合，咁啱原先嘅主持突然身體不適，我就開始咗入廠主持，記得第一日嘅拍檔係鄺潔楹，好彩我都算順利。」現時擔任主持之外，她間中也會客串拍劇，寄望未來能作更多方面嘗試，知名度和工作表現更上一層樓。

煲湯、煮飯、整甜品都有一手的Purple，剛入行時，擔任《美女廚房》的美女學徒，表現稱職。

Purple聯同王鎮泉一起做娛樂新聞台主持，一周做足五日，保持曝光率。