為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 08 月 15 日

遭網友嘲牛扒慢煮25個鐘 黃宗澤大廚出馬家中展廚藝

Bosco近日又喺IG晒廚藝。

身為餐廳老闆的黃宗澤(Bosco)出名廚藝高超,不時在家中親自下廚宴請老友,好似龔嘉欣、「三哥」苗僑偉、舊愛胡杏兒等食過都激讚好味!由於新冠肺炎疫情關係,政府早前勒令食肆禁止晚市堂食,最近忙拍新劇《飛虎3壯志英雄》的Bosco,日前趁唔使開工就喺屋企煮番兩味,兼Po上IG呃Like。他先貼出一張手拎血淋淋生牛扒的自拍,並懶得戚地預告:「睇吓我今晚點炮製你啦!」結果等咗一日,Bosco終於再喺IG晒靚扒相展示成果,同場加映仲有一碗西湯,望落拍得住米芝蓮餐廳嘅水準,他寫道:「泡製完成。慢煮3個鐘,再加多個豆乳馬鈴薯濃湯!」好友吳千語即留言投訴:「有得睇冇得食。」而一班網民就揶揄Bosco:「一煮就係一日」、「慢煮了25個小時吧?」

Bosco日前預告炮製靚牛扒。

隔了一日,Bosco終於出Po公佈以慢煮方式烹調塊扒。

等到頸都長的網民就笑Bosco係咪慢煮咗25個鐘?

Bosco仲煮了豆乳馬鈴薯濃湯。

Bosco一個人食都咁好心機!定其實佢煮埋俾人食呢?

Bosco不時邀請朋友到家中作客,試吓佢嘅手勢。