為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 08 月 12 日

解憂小露寶 邱李茂琪

男人玩Figure,或以量多取勝;女人儲Figure,則貴精不貴多,名媛邱李茂琪(Margaret)就是箇中代表。她獨愛小露寶的七六年超合金版本,更試過在日本豪擲兩萬元,買珍貴的「小賓女」。
一眨眼便儲了廿多年,最近終於給她集齊二十五隻心頭好,難怪她興奮到跳起︰「同佢哋影大合照時,心情好激動!有完成歷史任務嘅感覺。見到佢哋,真係咩煩惱都無晒!」
難得集齊整個「76家族」,實現童年夢想,大情大性的她更高呼︰「人生無憾!」

邱李茂琪獨愛七六年版本的超合金小露寶,等了廿幾年,終於儲齊廿五隻,當然喜不自勝。

 

專儲七六年

眾所周知,名媛邱李茂琪是Die hard的Chanel手袋迷,但她另一個較鮮人為知的愛好,原來是儲小露寶Figure,兩者對比強烈,難免令人大感意外。她卻笑言,自己圍內一班朋友,都知道她這個喜好,不過很多時朋友所送的版本,都不是她的心頭好。「因為我一定要七六年推出嘅超合金,我好專一o架,哈哈!」
對七六年版本情有獨鍾,她說是因為童年情意結,「記得嗰時係七六年,喺電視追睇小露寶片集,嗰時係真人版嚟o架,好創新、好得意。小露寶係一個家庭機械人,住喺人類屋企,但成日都撞板;而小賓女就最聰明,讀書好叻嘅,係小露寶嘅夢中情人,仲有其他角色,例如鋼鐵老師,每集都會為機械人學生評分,好經典o架!

 

 

小百廚是廚師機械人,外形似大雞蛋,打開蓋還有很多食物。

 


「我幾歲已經開始儲小露寶,不過嗰時百幾蚊一隻,好貴!我細個有兩隻,但唔係整爛咗就唔見晒,所以一直都想搵。後期嘅復刻版都出得好靚,但係我份人好執着,覺得七六年出嘅先係原裝正版,所以我只係儲呢個系列。有時朋友會送膠公仔、毛公仔之類,我都會收起,自己就唔會買,我又唔急嘅,慢慢儲囉!」
為了等齊二十五隻「正牌」超合金小露寶家族,Margaret一等就等了二十幾年。「小露寶係最易搵,反而其他成員,因為唔出名,個樣又怪,產量唔多,就比較難搵嘞。好似小神偷咁,出咗名難搵,我成日上網留意住,想Bid。朋友話預咗會超貴,點知有次我喺網上,用千幾蚊就買到,真係超級好彩。」
曾經有朋友不小心整爛了小露寶的配件,她坦言心痛至今,「佢整爛咗小露寶踩單車嗰隻車腳,我記到????家呀,你話我幾記仇,哈哈,講笑啫!其實我都鍾意升值嘅嘢,好似儲手袋咁,如果嗰隻皮周圍都有,就唔值儲啦!我儲得啲嘢,多數升硬,寧願儲得精,而且每隻Figure對我嚟講,都有一個故事,好有紀念價值。」

日本於七四年首播《小露寶》電視劇,機械人由真人扮演,當時大受歡迎。