為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 08 月 04 日

設身處地待奉「皇上」 林曉峰為愛犬試戴寵物用頭罩

阿Lo對住「皇上」真係廿四孝o架!

有留意開阿Lo(林曉峰)嘅社交平台,都會知道佢幾愛錫林滔,即係佢尊稱為「皇上」嘅愛犬,自從「皇上」9個月前出現,阿Lo嘅生活同埋社交平台都起咗好大變化,「皇上」嘅出鏡率比佢自己更高,就連佢兩個囝囝同埋老婆康子妮都要靠邊站。阿Lo同「皇上」形影不離嘅程度,係無論食、瞓、玩同做運動都會黐埋一齊,今次佢為咗令「皇上」有更好嘅生活質素,竟然連寵物用嘅頭罩都預先幫「皇上」試戴埋,仲寫住話:「設身處地,我正在學習,皇上吉祥」佢貼出呢張「奴才」試戴相,真係會令人忍唔住狂笑!呢個時候係要o氹吓大家開心嘅,香港人加油!

為咗設身處地「皇上」感受,阿Lo親自試戴寵物用頭罩。

阿Lo成日攬住「皇上」一齊瞓。

阿Lo同兩個囝囝都會陪「皇上」散步。

阿Lo幫「皇上」沖涼就梗係唔少得啦!