為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2020 年 08 月 04 日

關慧玲

《東周刊》社長兼總編輯。

香港速度

疫情反覆,公立醫院瀕爆廠,政府終於的起心肝在亞博館建立仿醫院模式嘅大型社區隔離中心,接收輕症病人。早前有人話呢度係港版方艙醫院,更講到有「國家隊」幫忙,都係以訛傳訛。醫管局建了這一功,卻似乎又無乜積極澄清網上的誤傳。
有公院醫生便話,這個大型設施是醫管局在四十八小時內和亞洲博覽館協作火速建成的,完全體現香港速度。該醫生說,二月份時已經有呢個方案,有晒計劃,所以當第三波疫症出現,政府即拍板將亞博館一號館撥做場地,更要極速在四十八小時內起好。

 


       五百張病牀不是話變就變出來,要一早計劃,據了解唔同醫院聯網都有份捐牀出來,每間醫院貢獻幾十至一百張,而醫護安排上,誰願意自願過去幫忙,亦是一早以電郵問定。這名醫生仲話,這個隔離中心咁短時間做好,裏面好多無名英雄無私幫手,「國家隊當時未到香港o架……」。不過這名醫生亦補充說,其實邊個做都好,最緊要快同幫到香港人。
       據入住病人反應,大都好正面,原來背後亦大有文章。其實亞博館一樣一早做晒功課,參考英國和新加坡經驗,當展覽場地被徵用做隔離中心時需要甚麼,如何達到醫院級數的消毒和清潔標準,這都是亞博館以前未遇過的。
       舉個例,一般展覽間隔用的物料唔需要好耐用,因為幾日後就會拆,但隔離中心要用好一段時間,醫管局又要求夠通透,方便醫護人員管理,這就有點難度,間板如何睇得到又撐得起?此外,場館中間要設有洗手、沖涼設備,這也是一般展覽客不需要的。好在亞博館那邊月前已搵定有關嘅材料供應商,傾好晒安排,可以立即到位。至於場內WIFI,亦一早提升咗。
       一件好事,可惜一戴上政治眼鏡就有機會被扭曲。好像周日網上瘋傳話,隔離中心內有人掛上代表美國的自由神像,話係黃絲醫護所為。其實那些是亞博館原本已有嘅裝置,因為亞博館係面向國際嘅展館,只係有人捉錯用神。