為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 08 月 08 日

海上小魚仙 羅欣儀

香港地少人多,疫情下要長期保持社交距離,仲要有私人空間,確實不是易事。
羅傑承二女羅欣儀(Gloria),因家中擁有一艘一百一十五呎的豪華遊艇「LITTLE MERMAID」,而令公務繁多的她多了一個喘息空間。閒時她愛開船出海,在甲板上一邊曬太陽,一邊歎咖啡看書,她又在船上的廚房焗製蛋糕,享受片刻寧靜。
「出到海,感覺好似離開咗香港咁,即使平日工作壓力幾大,只要一望住個海,就無晒壓力。」

羅欣儀透露父親羅傑承喜歡揸船,她間中亦會在船長附近學習揸船技巧,未來日子會考慮考船牌。

 

殺人鯨氣勢

訪問當日風和日麗,Gloria與助手拿着兩大袋外賣食物,準備在船上享用,她笑說:「我哋每次出海,都會喺自己旗下唔同嘅餐廳order食物,今次去新開嘅Cosmos order咖啡、沙律、意粉同飯;有時會去Red Mr.叫紅人拉麵;又會去來佬order中菜,次次都唔同。我哋八月會再開新嘅廣東菜館,有米之蓮廚師,到時又多個選擇。」
我們一行四人,先在碼頭乘坐接駁船,不消一會,便到達碼頭的另一方,看到一艘長達過百呎、如殺人鯨般的黑白色大遊艇,充滿氣勢地停泊在岸邊,名叫「LITTLE MERMAID」。
她引領我們上去參觀,船上有客廳、飯廳、廚房、小酒吧及按摩池,還有三間客房及一間主人套房,應有盡有,她說:「我哋以前有架船細啲,爹哋見我哋(子女)開始長大,就換咗呢架大船。呢架船已經買咗六、七年,保養得好新淨,因為爹哋好嚴格同埋要好乾淨,成日check住,呢度有四個船長,船員都好緊張,乜都跟得好足。」

她在旗下的Cosmos餐廳,order了冬蔭功大蝦意粉、沙律煲、牛肉飯等,出海一樣可以食好西。

 

她喜愛在甲板上,一邊曬太陽一邊看書,「喺英國讀書時,好多人拎杯咖啡,坐喺草地上睇書,咁就一日。」