為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 08 月 05 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

一份七十二分的成績表

亞洲佔全球人口近六成,區內經濟增長和城鎮化速度高,人口中位數三十二歲,比較歐洲(四十三歲)和北美(三十九歲)等發達國家都年輕。無論從人口結構、經濟增幅、城鎮化等因素考慮,亞洲房地產市場潛力都毋庸置疑。有投行估計亞太區房地產投資佔全球總額超過一半。
佔比大亦代表責任重大,特別係氣侯變化之下,大家對綠色建築更加重視,不少新落成項目都標榜環保節能認證。亞洲房地產行業喺環境、社會及管治(ESG)等方面表現又如何?我剛收到低碳亞洲一份相關評核和分析,同大家分享一下。報告引述全球房地產可持續性基準(GRESB)所搜集得,超過十萬項位於六十四個國家嘅房產數據,一百分為滿分,亞洲二○一九年區域整體得分係七十二點七分,比較一八年六十六分提升咗一成。
雖然總評分高咗,但低碳亞洲分析升幅主要由大型企業拉高,而各個評分範疇中,策略系統以及營運進步最大,至於有關碳排放和氣候方面嘅分數就不升反跌,環境方面得分更係各評分範疇中表現最差。環境範疇裏面,廢棄物管理對於小型公司和住宅物業挑戰最大,如要喺呢方面攞分,必須要全體管理人員合作,對廢棄物進行量化、核算和處理,難度的確高。

深圳佳兆業城市廣場 配置五千五百幾間保障房,交由政府分配低收入家庭租住。

 


能源數據報告和管理亦係失分位。發達城市嘅能源使用,好大部分來自建築物,因此不少發展商積極追落後,例如為項目攞環評認證,以及建立環境管理系統,加強能源數據搜集和管理。氣侯變化已經成為新常態,但從評核結果所見,亞洲房地產公司能夠做到零排放仍然極為罕見。由於投資者對公司嘅氣侯表現要求越來越高,亞洲房企真係要急起直追。
呢份報告冇詳列個別企業嘅表現,但以香港為例,港交所早已要求上市公司編寫ESG報告,今年更收緊披露指引,大地產商之中好多在規則生效前已提前發表報告。內房方面,我認識不少房企不但視ESG為社會責任,更加將可持續發展融入業務,既能改善社區,亦可提升物業項目嘅社會價值。
好似被稱為「舊改之王」嘅佳兆業(1638),建築面積達二千七百萬平方米土儲之中,六百七十萬平米係城市更新項目。舊改本來只係將舊建築物更新,但對於一個城市嚟講,換上新樓宇並非全面改造,因此佳兆業推動以人為本嘅更新概念,除咗居住環境,亦着重一個社區內嘅民生、文化、體育、教育等需求。因此公司會喺進行城市更新時加入呢類公共設施配置,甚至考慮中低收入人士住房難,預留面積做限定租金嘅保障房。
以公司深圳佳兆業廣場為例,土地面積貢獻率達到三成,用嚟配建小學、幼兒園、敬老院、公共綠地、公共廣場等。至於深圳佳兆業城市廣場,貢獻率更高達五成,配置五千五百幾間保障房,交由政府分配畀低收入家庭租住。呢個策略,能夠將ESG理念發揮得更透徹,而公司亦將舊改業務定位為「城市公共服務商」,正式將社會、環境、經濟元素融入物業發展中。