為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 07 月 31 日

做人別太佛爺 李成昌

疫情愈見嚴峻,最好莫過於Stay home,在家煲劇好,令播映中的《殺手》黑社會大佬佛爺,更見搶Fo。
「佛爺有精神病、陰濕、殘酷、自私自利,同我性格差太遠嘞!現實嘅我好慈祥o架!」
雖說人生如戲,但李成昌「自我分析」時,還是要跟角色割席。六十二歲的他,十分長情:從小便住在鑽石山,從未搬離該區;演戲演了四十一個年頭,從未轉過老細。
「我個人最鍾意穩陣,咁多年嚟外面叫過我走三次,但出去太多未知數,咁梗係做生不如做熟。」
性格使然,他跟太太由拍拖起計,已挽手走過三十五個年頭,問他是大男人還是小男人?他不需思索便答:「小男人!我行唔會行先,過馬路或者人多,我都會拖住老婆o架!」
得愛妻這一點,有點佛爺,至於隔籬照片中的猙獰面目,Choko架咋。

 

 

92年《火玫瑰》

 

89年《義不容情》

 

四個十年金牌

訪問這天,烈日當空,頂着滿頭大汗的李成昌,於鏡頭前Chok出佛爺氣場;鏡頭後的他,原來甚為怕曬。「行山我都係一大早行,晏晝前就行完。」
藝訓班出身,同期較為人熟悉的,有湯鎮業、黃造時及周秀蘭等,於TVB演足四十一年的他,最初只是以十年為目標,「後生嗰時,第一年簽咗無綫之後,我哋成班同學諗,十年之後仲會唔會一齊呢?因為十年、廿年、三十年都有金牌,但做吓做吓,咁就過咗四十年。」
去年已獲頒第四個十年金牌的他,這些年來參演過近一百八十部劇集,演過不乏比佛爺更膾炙人口的角色,李成昌稱:「我難忘嘅角色,我諗有十幾個啦!好難揀一個,好似常在德(《溏心風暴》)咁,播嘅時候我去街市買餸,賣菜嘅老闆娘見到我,都會講笑話:『你咁衰,唔賣俾你呀!』,至於演得最耐嘅,就一定係《香港81》系列嘅康仔。
「由81到86,我演咗五年康仔,出番嚟之後,我好記得喺《黃金十年》入面,做娥姐(商天娥)老公,有一次導演用Floor mic話:『阿李成昌,你知唔知你o依家仲係演緊康仔呀?』當時成個廠嘅人,個個聽到晒⋯⋯我先發現自己冇甩到康仔,之後就睇錄影帶,自己再進修吓。」
康仔為李成昌的事業帶來衝擊,亦為他帶來其人生中的「上車盤」。「我好慳,但係唔係孤寒,嗰時爆Show就好多謝啦!我覺得唔買番啲固定嘅嘢,啲錢會好快使晒,喺買樓同的士之間,我就揀咗買樓,當時因為九七問題,啲樓由原本一千蚊呎,跌到六百蚊呎,平呀呢?到沙士嘅時候,我再低價買入o依家住嘅單位,一炮過。」
打蛇隨棍上,問他現在持有多少個物業,他立即合十表示:「私隱。」

《香港81-86》令李成昌(右二)成功入屋,至今仍有人稱呼他為康仔。

 

《殺手》中的佛爺行事乖張、霸氣十足,李成昌也演得過癮,也非常搶fo,但他一再強調自己跟角色,性格完全不同。