為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 30 日

54歲生日前夕處女直播唱歌 幸福溫碧霞獲老公送贈吉普車賀壽

逆齡溫碧霞有家人愛鍚,開心快活,心境開朗,點睇都唔似54歲。

今日54歲生日的溫碧霞(Irene),昨晚應音樂大師伍仲衡(Harry)邀請,到他的錄音室進行社交平台直播唱歌,原來伍仲衡為她製造神秘驚喜,直播一開始,Harry馬上為Irene彈琴演奏生日歌,經理人公司同事送上用《海潮》第二版寫真集封面設計而成的巨型生日蛋糕及花束,Irene開心說:「好驚喜呀,因為今日下午工作時,同事已送咗蛋糕,完全估唔到直播都繼續有得收,而且仲咁有心思,唔捨得食。到目前為止已收到第4個生日蛋糕,估唔到喺疫情之下,大家仲記得我生日,好感動。」

Irene過往每年都會舉行生日會,今年因為疫情決定唔搞,今日正日只會跟家人食飯簡單慶祝,生日願望希望家人及所有朋友,愛錫她的粉絲都開心快樂,全世界所有人都身體健康,疫情快快結束。伍仲衡則祝福Irene愈來愈靚及快啲出新歌,他更許下承諾只要她肯出新歌,他就幫她寫歌。Irene曾經出過唱片做過歌星,但Harry聽她唱現場還是第一次,又讚綵排時有驚喜,她唱得好好聽又好認真。

問到老公及囝囝送了甚麼生日禮物?Irene一臉幸福說:「Kenneth送咗架好靚開蓬吉普車,其實只係一份心意,唔係在乎禮物價值,就算係一朵花或者一粒朱古力,我都好開心。囝囝好Sweet送花及畫咗一幅畫,其實只要囝囝生活開心,錫我就已經好足夠。」

生日前夕,溫碧霞應音樂大師伍仲衡邀請到他的錄音室進行社交平台直播唱歌。

壽星女收到用《海潮》第二版寫真集封面設計的巨型生日蛋糕及一大束鮮花。

溫碧霞Keep到好fit,成日喺網上派福利。