為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 07 月 29 日

立選延後機會增 消息人士:就算延期不超一年

新冠肺炎單日新增確診個案持續逾百宗,政府索性將限聚令等多項防疫法例框架嘅有效期延至年底。疫情反反覆覆,恐怕年底都未解決。據悉中央都高度關注疫情下嘅九月立法會選舉可行性,但疫情風險未除,冒險搞選舉隨時觸發確診人數幾何級暴升。消息人士透露,延後立選機會愈來愈大,當局正密切評估風險,料最快兩周後有明確決定,但就算延期,相信不會超過一年,以免影響下一屆的會期。
近期新增確診數字高企,唔少本地感染個案都係源頭不明,隱形帶毒者喺社區傳播,大規模爆發一觸即發。九月六日投票日雖然只得一天,但有幾百萬人湧去票站,激發疫情風險唔細。事實上不少建制議員近日已停擺街站,其中有意爭取港島區連任嘅新民黨主席葉劉淑儀日前明言為義工着想,已叫佢哋唔好派單張,即使擺街站亦要按限聚令人數。

疫情又再惡化,九月立法會選舉延期嘅機會愈來愈大。

 

醫生周伯展擔心第三波疫情來襲,希望政府考慮延後立選。

 

疫情反覆,確診人數近日不斷攀升。

 


至於有意競逐連任新西議席嘅立法會議員何君堯都話擔心班義工中招,已暫停擺街站,「我三月已去信特首叫佢延期,日本政府都不惜代價押後一年先舉行東京奧運,點解我哋唔可以?」
除咗疫情反覆難料,政黨中人亦關注選舉公平性。工聯會會長吳秋北認為政府應顧及老人家,以及身在內地未能回港嘅選民,「若有長者因疫情無法排隊投票,會造成選舉不公。」呢類人為數原來唔少,計落有數十萬人。吳秋北指出,政府必須考慮佢哋嘅處境,作出適當政策,包括延後立法會選舉,令選舉公平地進行。
延期路線圖應該點度?立法會前主席曾鈺成提出選舉至少押後一年,到明年九月才進行,而下屆立法會任期在明年十月一日開始。 佢憂慮在限聚令下難以進行競選活動,認為除押後選舉外無其他選擇。 曾鈺成亦透露,根據《立法會條例》第4條,每一屆立法會任期是行政長官會同行政會議決定,提出特首可會同行政會議指明二一年十月一日為新一屆立法會任期開始,並押後至明年九月先舉行立會選舉。
唔延後立選風險有幾大?香江智匯會長、醫生周伯展話,目前第三波疫情形勢不容樂觀,呢個時候進行立選造勢大會等大規模聚集嘅活動,非常高危,「每日確診個案居高不下,大家還冒着風險去喊口號、拉票,會增加散播病毒風險。」他呼籲市民減少集會,希望政府認真考慮延後立選。

曾鈺成認為選舉應至少押後一年。