為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 30 日

張智霖接老婆密令

今年四十八歲嘅張智霖(Chilam),同老婆袁詠儀(靚靚)係圈中出名嘅模範夫妻,兩公婆不時打情罵俏公開「放閃」。好似老婆迷戀韓國男神李敏鎬,Chilam就扮呷醋,早前仲偷拍老婆煲劇時個樣,上載到社交網,並留言:「無語」,大耍花槍。
早前晚上約八時左右,東姑就喺銅鑼灣利舞臺廣場一間家品店,巧遇Chilam一個人去「濕平」。當日戴上口罩、身穿T恤、牛仔褲、波鞋嘅佢,打扮隨便,似個搜購員喺店內四圍搵佢嘅目標貨品。最終,佢買咗三本筆記簿仔、四個小膠兜,然後排隊畀錢走人,全程shopping大概半個鐘,買完嘢即閃。
其實,東姑都曾經喺呢間店舖度遇過靚靚。當日,佢同樣係嚟買家品,睇嚟呢個品牌都係佢哋全家嘅心頭好。而Chilam今次買啲筆記簿及膠兜,相信都係接到老婆嘅order,猶如「女皇密令」吩咐佢為頭家頻撲一吓。Chilam雖然係好多港女心目中嘅男神,但係老婆竟然崇拜韓星,當老公做「阿四」呢!

東姑所見,Chilam總共買咗三本筆記簿,以及四個膠兜仔,唔知係咪買畀囝囝魔童(張慕童)放文具呢?

 

最後,Chilam跟其他顧客一樣,排隊畀錢,然後離開,打道回府。

 

Chilam喺店內四圍搵,睇嚟有目標嘅貨品清單要買,疑似係老婆靚靚落order,吩咐佢去採購。

 

結婚快廿年,Chilam同老婆袁靚靚係圈中出名嘅模範夫妻,兩公婆仲周不時打情罵俏公開「放閃」。

 

戴上口罩、頸上繫上空氣淨化機嘅Chilam,打扮隨便,一個人去到銅鑼灣一間大型家品店shopping。