為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 25 日

陳維冠有「妹仔」服侍

喺無綫有「金牌監製」之稱嘅陳維冠,佢嘅最新熱播劇集《殺手》,劇中兩大男主角黎耀祥、陳豪,除咗動作戲好睇之外,複雜嘅感情線,都係吸引觀眾追劇嘅大賣點。
早前,東姑就喺土瓜灣巧遇陳維冠呢位大監製,雖然佢係幕後人,但向來曝光率高,所以東姑一眼就認出。而東姑最留意,當然係佢身邊嘅女伴,曾經跟袁潔瑩、江美儀過從甚密,而傳出緋聞嘅佢,當日跟一名矮佢一個頭嘅短髮女子,結伴並肩而行,一齊行去一間火鍋館,然後上樓開餐。
東姑所見,呢個短髮女似乎對陳維冠服侍幾周到,手上仲捧住支自備紅酒,帶埋去打邊爐慢慢歎;反而陳維冠表現冇乜風度,全程「大爺」咁,冇打算過幫手。睇嚟,佢足以媲美自己監製嘅劇集啲男主角,一樣咁好艷福,有女心甘情願畀佢當「妹仔」咁使,魅力真係驚人喇!

同短髮女行去開餐嘅陳維冠,任由女方似「妹仔」咁捧住支自攜酒拎去食肆,而佢則全程冇打算幫吓手。

 

陳維冠監製嘅新劇《殺手》,收視與口碑俱佳,不愧係「金牌監製」。