為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 29 日

何依婷揸20萬Benz「婆仔車」

一七年港姐亞軍何依婷,有傳得到無綫高層樂易玲對佢另眼相看,早喺參選港姐時,樂小姐已經點名讚賞!入咗無綫後,樂小姐更覺得佢大有潛質,仲彈支好籌畀佢上,喺早前劇集《機場特警》,派佢演出港女KOL,劇中大騷身材,兼同楊明有火辣親熱戲,令佢成功出位。
得到高層加持,何依婷前途無可限量;而入行短短三年,佢就已經揸架車價約廿萬嘅Benz代步,於是畀人話「炫富」。早前,東姑就發現,家住深水埗舊樓嘅佢,所住大廈連停車場都冇,佢惟有每次都將架車交畀附近嘅車房仔,幫佢代客泊車。睇嚟,揸靚車但係住唔起靚樓,對佢呢啲靚女小花都幾唔方便吓。
東姑更加發現,何依婷架靚車嘅內籠,擺設有鄉土味極濃嘅小飾物之外,車內仲有多支酒精搓手液、盒裝紙巾、羽絨外套等等,似係注重防疫,又非常怕凍,啲「中女」品味及style滲晒出嚟。睇唔出佢廿六歲後生遙遙,竟相當「婆仔」吓!

被指鍾意「炫富」嘅何依婷,駕駛一架車價約廿多萬嘅舊款Benz代步。

 

原本喺律師樓做嘢嘅何依婷,何媽媽覺得乖女好有條件,於是鼓勵女兒參選港姐。