為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 24 日

檢測呈陰性 鄧建明閉關唔敢亂咁去

麥德羅確診新冠肺炎,跟他密切接觸者都受到感染。而太極樂隊成員Joey Tang(鄧建明)曾於7月4日去過尖沙咀出席唱片業界一位前輩的大壽宴,當晚麥德羅都在場,當Joey得知麥德羅確診後,他第一時間去做病毒檢測,直至昨晚才有報告顯示呈陰性,Joey即報告喜訊,向本報表示多謝關心,不過,為人為己,短時間內會留在家中隔離,慶幸8月初才有工作做,視乎到時情況而決定工作,唔會亂嚟。

他認真道:「o依家唔敢周圍去,出街真係好危險,身在澳洲求學嘅囝囝非常擔心,呢件事上啟發到要珍惜身邊人,留喺屋企其實都有好多嘢做,我每日做兩次健身都用咗4小時啦,之後彈吓結他,好快又一日。」

喺疫情下出席生日會被指係爛玩,他有話說:「其實係我一位識咗好多年,我好尊重嘅唱片業界前輩60歲大壽,咁我咪去一去祝賀吓佢囉,去到先見有咁多人,原來開咗3圍,期間見麥德羅到場,不過佢係直入房間,而我哋就喺酒樓大堂位置,後來佢先喺房出返嚟,去咗另一圍枱同人敬酒打招呼,我就同另一圍枱嘅人傾偈,基本上我哋係冇接觸嘅。」

麥德羅確診新冠肺炎,跟他密切接觸者都受到感染。

 

JoeyTang留守屋企做運動及彈結他嚟迎接新工作。

 

 

 

當Joey得知麥德羅確診後,他第一時間去做病毒檢測,直至昨晚才有報告顯示呈陰性,Joey即報告喜訊。