為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 23 日

【耍花槍】疫情下玩煮飯仔晒廚藝 JW被男友潑冷水發爛渣:以後唔煮畀你食

王灝兒興致勃勃Show粉絲蒸蟶子,竟畀男友Tarzan留言打沉,唔嬲就假囉!

新冠肺炎繼續肆虐本港,第3波疫情大爆發,本地確診數字錄得逾百宗,政府呼籲市民盡量留喺屋企減少出外傳播風險。王灝兒 (JW)都算聽話,疫情下冇周圍去,盡量留喺屋企同12億化妝店太子爺男友葉韋彤(Tarzan)煮吓飯仔,都別有一番情趣嘅。昨晚JW喺IG出Post,好滿足感show自家炮製嘅粉絲蒸蟶子,寫道:「留在家中,又係時候train我嘅cooking skills!!! Hahaha我整嘅粉絲蒸蟶子,成功!」

其實呢味餸冇乜難度,所以睇落都算見得吓人,惟一係冇汁鋪面,睇落乾身咗啲囉。正當JW興致勃勃Show廚藝,唔少朋友及網民都讚好時,男友Tarzan竟然留言潑冷水說:「火你都未識開!」被「辣㷫」JW馬上開火說:「以後唔煮畀你食!」Tarzan即被打沉,唔敢再駁嘴,兩人公開耍花槍,十分搞笑。

呢幾日王灝兒都好乖咁留喺屋企。

雖然未婚,但王灝兒早已融入葉家。