為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 22 日

同朱茵洪欣組「港普F4」出道 蔡少芬被爆鍾意嗌人死八婆

四位「凍齡女神」(左起)蔡少芬、朱茵、洪欣及陳法蓉宣佈組成全新女團「港普F4」正式出道。

全新女團「港普F4」正式出道!
四位「凍齡女神」蔡少芬(Ada)、朱茵、陳法蓉(Monica)及洪欣憑港式口音的普通話(港普)曾鬧出不少笑料,成功在觀眾心目中留下印象。為了延續「港普」傳奇,四姊妹宣佈正式組成全新女團「港普F4」,希望透過特色口音繼續發放歡樂及正能量!日前,她們拍攝首輯造型照,四位女神簡單自然、不加雕琢,沒有在她們身上留下歲月痕跡,也喚起無數人那個充滿經典的時代。

朱茵。

四位好姊妹雖然閨密情深,私底下不時聚頭,但原來在工作上是首次合作。洪欣表示:「我哋有各自分別合作過,有一齊登台唱歌跳舞,但四個人一齊工作合作真係第一次。」Ada不忘發揮搞笑本色稱:「係呀,佢哋三個今次好開心可以同我合作,係對佢哋最大嘅福氣。」對於被封為「港普F4」,她們坦言不介意,更可以互相增加人氣,朱茵說:「其實幾好o架,一講港普就記得我哋四個人,Ada去拍戲同埋綜藝節目時,大家一聽到佢嘅港普就會諗起我哋其餘三個。」

訪問期間,她們姊妹間的暱稱也意外曝光,朱茵續道:「我哋平時私底下唔會叫咩F4,反而係稱呼大家做『死八婆』!」洪欣繼續爆料,矛頭更直指Ada :「係呀!係Ada嘅口頭禪嚟,佢叫個個都係『死八婆』,我哋冇名o架,有時都唔知佢叫緊邊個。」Ada百辭莫辯,引得全場大笑。Monica表示由於她們感情要好,才不會因對方的說話而介懷:「因為熟先唔會嬲,我仲記得嗰陣留長頭髮,Ada話我個妝好似男扮女,佢老公張晉都好緊張話『你唔好咁講啦,Monica會嬲o架』,我覺得第個講就可能嬲,但Ada 講我只會覺得幾好笑。」

洪欣。

蔡少芬。 

 常說娛樂圈如戰場,女藝人之間經常競爭得火紅火綠,提到「港普F4」多年來在工作上的相處之道,Monica表示:「我哋之間唔存在競爭,當大家好好朋友嘅時候,對方接到工作會戥佢開心,可能我有家庭需要,接咗個廣告大家又會戥我開心。」Ada透露最重要是存着大方無私的心,四姊妹之間從未有心病:「我哋四個有樣嘢好,就係都想大家過得好,例如呢個廣告接唔到,Pass比對方都會開心,唔會覺得你搶咗我工作,唔會有心病。」

陳法蓉。