為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 07 月 25 日

泳校停課負收入 方力申貸款自救

疫情第三波爆發,確診人數天天激增,令原本已鬆懈了的港人,再次高度戒備抗疫。
身為「飛魚王子」的方力申(Alex),前年轉型,自己做生招牌開辦游泳學校。但自今年年初,遇上疫情來襲,泳校停課多月,已令他蝕到入肉。
當以為到了夏天疫情減退,但七月剛復課兩星期,疫情又再爆過,泳校要再次停課,他嘆一口氣,沉重地說:「呢半年可以賺錢嘅演藝工作,真係寥寥可數,一隻手都數得晒,從來未試過。唔止自己無工開,仲要顧住盤生意,個個月負收入。早前我就向政府申請咗資助,借咗數十萬資金去周轉。o依家係我由做運動員至今二十年來,最低潮嘅時侯。」

方力申熱愛游泳又喜歡小朋友,所以他決定以游泳學校成為第一盤生意。

 

蝕到入肉

方力申原本雄心壯志,預計游泳學校前年開始經營後,可以於兩年內回本;去年更有內地機構邀請他合作,大有機會衝出香港,擴展事業版圖。但人算不如天算,疫症在全球大爆發,將其計劃拖倒,「o依家只希望做好香港先,前年開學到o依家都未做到收支平衡,原本係預計今年回到本,但睇個勢,今年應該都係輸梗,開頭仲大大聲話開游泳學校係為理想,唔係為賺錢,你話係咪烏鴉口吖!」
疫情持續了數月,方力申的工作量大幅減少,現在他將每周的工作,盡量安排在同一日進行,避免外出節省不必要的使費,「疫情由新年到o依家,游泳學校嘅生意唔係少咗,直頭係零,真係蝕到入肉。因為所有泳池都關晒,教練想返都無得返,公司有七名全職員工,開頭都100%支薪,但之後頂唔順,都要一齊放少少無薪假,大家都明白。好多師兄弟呢段時間都轉咗行做送外賣、揸的士或者Uber,o依家惟有撐得幾耐得幾耐。」

他一有時間,就會落場親教學生游泳,「我有時一日會教水七、八個鐘,我真係好鍾意見到啲小朋友有進步。」

 

減食慳錢

所謂手停口停,現在連日常生活開支都要盡量減少。他也採取一系列節流方案,「以前一星期游足六日水,每次起碼游一、兩個鐘,運動量大,一餐三個飯盒都食得落;但疫情期間,每次只游半個鐘,keep住水感就算。
「呢半年因為少咗郁動,重咗六至七磅,所以我o依家每日斷食十六個鐘,只有八個鐘時間可以進食,一嚟食少餐當減肥,二嚟又可以慳番啲錢。
「即使出去食,都盡量揀下午茶時間,價錢平少少。喺屋企食就盡量簡單,阿媽煮過乜我都背到出嚟。平日外出,揸車就唔再行西隧,因為過一次海要七十五蚊,行紅隧就只係廿蚊,慳好多,塞車都話之佢,慳得就慳!」

 

抗疫期間,欠缺運動,令他重了六、七磅,現在他一日只食八個鐘,其他時間就斷食,他爭取下午茶時間食個鵝腸、牛腩撈麵。