為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 07 月 22 日

師徒風水屋 凌志灝 胡露明

千金難買心頭好,難得住近一班老友,就算月花數萬做租奴,都算值回票價。
從事身心靈療癒導師的胡露明 (仙姐、Cynthia),與九十後演說達人凌志灝 (Edmond)相識多年,亦師亦友,除合作開訓練學校,兩人於一年前,更先後搬進荃灣同一屋苑做鄰居,二人皆不約而同大讚︰「呢個屋苑風水好」!
二人的單位均採用原裝設計,要添置的家具不多,反而將心思放於家居擺設上。Edmond喜愛收藏Marvel英雄人物公仔,而仙姐則喜歡打坐,家中禪味較重。兩師徒的風格迥異,但家中同樣擁有無敵海景,日落映照,海面閃閃生光,令人心曠神怡。

仙姐與Edmond先後租住荃灣單位做鄰居,二人都鍾意屋苑有無敵海景。

 

《鐵甲奇俠》電影中最出名的場景,Edmond最自豪可以儲齊七隻。

 

月 租 三 萬 八

大約於五、六年前,Edmond透過參加一個人生教練課程,認識了課程導師仙姐,完成課程後, Edmond就成為了仙姐的徒弟。仙姐笑言︰「五年前見佢,真係想打佢o架,o依家處事成熟咗好多,不過後生仔仲要磨練吓!」近年二人合作搞訓練學校,一年前更搬進同一屋苑,樓上樓下做鄰居。
今年廿六歲的Edmond,之前與媽媽同住居屋,一年前兩母子搬進這個約一千一百呎的三房單位,月租三萬八千元。「本來想住貝沙灣,後來覺得唔方便,呢度一出車,隔籬就係西九龍走廊,去尖沙咀、西環都係十分鐘,元朗都係十五分鐘就到,好方便。只係樓下無便利店,要行十分鐘先有囉!」
對今天的年輕人來說,月租三萬八,可能是天文數字,但豪氣的他則大讚單位抵租︰「呢個單位o依家市值約三千萬,呢度淨係管理費都六千蚊,仲要我係第一手租客,呢個租金,其實業主嘅回報率係好低o架!我住過劏房,面積細過呢個廳,所以從小我就立志要俾一個好好嘅生活媽媽,以前住劏房無風景睇,所以成日諗,間屋有一望無際嘅海景就好,o依家都叫做到啦!」

他說本來地上放了一塊白色方形地毯,對正天花圓形燈飾,是天圓地方的格局。

 

睡房以灰色作主調,保持簡約,他臨睡前有閱讀習慣,也會以砵﹙箭嘴﹚淨化心靈。