為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 18 日

【有違限聚令】林德信帶林子祥遊志蓮食齋 兩父子除罩合照被轟防疫意識低

 

父子二人卻除口罩喺南蓮園池合照留念,有張7人合照仲有4個除口罩。

疫情肆虐,而且持續擴散到社區,政府收緊防疫措施,包括禁止公眾地方多於4人聚集,並呼籲市民盡量留喺家中,唔好出外食飯。但型男林德信(Alex)唔係幾聽話喎!昨天他喺IG上載相片,留言:「今日帶爸爸去食午飯!美好的一天!」原來係去咗鑽石山志蓮淨苑食齋。

 

林德信與爸爸林子祥感情要好,兩父子夾定打埋同一款領呔,遊園期間並排而行,步伐一致,相當溫馨,但父子二人卻除口罩喺南蓮園池合照留念,其中一張係7個人大合照,超出限聚令人數上限,而當中有兩位女士仲冇戴口罩添。

眼見衞生防護中心傳染病處主任張竹君醫生形容o依家疫情有啲失控,多次公開呼籲市民冇必要唔好去東九龍重災區,加上7人中有4個冇戴口罩合照,網友指他們防疫意識好低。

林德信偷影行喺後面嘅林子祥。

好彩唔使埋位影相時,林德信都識得戴返個口罩。

林德信與爸爸林子祥感情要好,除打父子呔外,行動步伐一致。

志蓮景色好靚,唔少網民以為林德信置身喺日本嘅神社。

之前林德信激凸甲板曬太陽照惹來熱話。