為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 17 日

長期尾指托機致掌骨發炎 鄧穎芝:痛到手掌郁唔到

 

Vangie玩手機玩出禍!

成日話玩得手機多好易有痛症,鄧穎芝(Vangie)就係最佳人辦!話說Vangie經常單手用尾指托住部iPhone,大約一星期前開始覺得尾指有少少攰攰哋,不過當時她卻沒有正視問題,以為撳少啲手機就會好番,點知昨日終於「出事」喇!Vangie昨日於IG貼出右手包紮照,以及「單手托機」反面教材照,她寫道:「今日痛到成隻手掌郁唔到,手指尾亦都伸直唔到,一郁就超級無敵痛。嚇死,幾驚係生骨刺嗰D(啲)!去睇跌打,醫師話我手指尾冇事,但係掌骨第五節發炎,因為部電話有重量又成日用手指尾托住,佢話成日都有呢類型嘅客人,最嚴重係手指尾永遠都伸唔直。如果大家用電話,會好似我咁用手指尾托住部電話,就要留意一下了 #減少單手用電話 #包住一隻手全日活動都好唔方便 #食飯沖涼洗面去廁所都要用多好多時間。」

Vangie晒出右手包紮照。

 

見過鬼怕黑的Vangie又直言以後都唔敢單手用尾指托機,仲自嘲:「咁樣受傷確實係戇居。」對此,不少圈中好友都紛紛留言慰問,仲多謝她提醒????,其中,日前俾狗咬爆唇的Super Girls隊長Aka(趙慧珊)亦表示:「Omg take care vangie.」傷勢比對方輕的Vangie即回覆:「Thanks pretty ,我好小事。你要小心處理傷口。」

Vangie表示因長期單手用尾指托手機,導致掌骨第五節發炎!

Vangie昨日痛到成隻手掌郁唔到,嚇到她說以後都不敢單手用尾指托機了。

日前俾狗咬爆唇的Super Girls隊長Aka亦有留言慰問。