為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 16 日

疫情反彈影響開騷? 雷有輝:唔諗太多

太極樂隊主音雷有輝(Patrick)將於下月在西九文化區戲曲中心開騷,但香港疫情近日反覆,Patrick受訪電台節目《有誰共鳴》,謂以積極態度籌備音樂會:「其實個騷本來4月舉行,延期咗一次,所以我都唔諗太多,要睇疫情發展同限聚令會點先知有冇影響,但一日未有公佈,都要當如期開騷咁做!」期間廣播道巧遇張松枝,二人惺惺相惜,Patrick更送上海報予對方,他表示因限聚令延遲樂隊綵排:「依家月尾先排Band啦,不過全部都係高手,一埋位就夾到,次次排歌似朋友聚會多啲,咁月尾先啦!」
Patrick表示一直跟主辦開會,對方亦加強衛生措施:「之前都講過現場會探熱、派口罩,今日佢哋話所有入場人士,都會經過消毒噴霧,總之都係想大家睇得安全同安心,所以未來7日大家乖乖地,唔好周圍走啦!」
Patrick在節目中還分享歌單,更將善款捐到香港防止虐待長者協會。Patrick謂近日留家抗疫,與兒子聽黑膠打發時間:「唔知點解,呢排個仔鍾意聽舊歌,所以我搵Hi-Fi德(劉賢德)幫手買部二手機,真係抵到爛,政府派嗰一萬蚊都夠埋單,所以兩父子一齊研究。雖然就停工冇收入,不過增進父子情,咩都係值得!」