為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 16 日

揭吳卓羲慳家請食魚蛋粉

向來緋聞不絕的吳卓羲(Ron),一五年離巢無綫外闖後,愈變愈低調兼踏實;而轉攻內地市場的他,可謂撈到風生水起,並且搵到真銀就投資「磚頭」。他曾透露,試過最快用三年時間就極速供完一層樓,實是圈中的「隱形筍盤」。
日前,本刊就發現,吳卓羲與一眾工作人員到電台,接受訪問後,他就拉大隊到九龍城請食魚蛋粉。不過,自爆收藏四十多隻名表、中港兩地搵到盤滿缽滿,又秘揸半億物業的他,「萬歲」得咁貼地,難怪有如此多「磚頭」揸手。

餐廳內人多擠迫,吳卓羲點餐都堅持戴着口罩,非常衞生。

 

吳卓羲雖然只是請食平價的魚蛋粉,但吃完後,他也用自己的七人車,接載工作人員離開,非常貼心。

 

三年供完

入行十七年的吳卓羲(Ron),昔日緋聞女友氹氹轉,形象花弗,更有傳他曾一度被無綫遺棄;不過,經由古天樂介紹,得到「巨星級御用玄學家」苗師傅的指點,教他要收斂脾氣,以及不要揮霍;自此,吳卓羲就變得低調兼且踏實。
離巢無綫後,一七年他跟足苗師傅的指示,以月租五萬元搬入大埔比華利山的獨立屋催運。之後,他在內地的工作愈做愈旺,狂執人仔,並且一賺到錢就買「磚頭」。繼一三年,他以九百萬買下深井一個千二呎單位,如今已升值至一千七百多萬;另外,在四年前,他又再買多一層豪宅做投資,如今單位已出租,外傳他手持半億市值的物業。早年,吳卓羲曾自誇,用三年時間便供完一層樓,他坦言:「價錢真係好嚇人,我都係好辛苦先供完。(一次過畀?)梗係唔係,要供三年o架,有能力咪供快啲囉,橫掂都係畀,咪硬住頭皮吃力啲供完佢囉。」他笑指最近物色緊第三個單位,睇準時機便立即出手。
吳卓羲除了鍾意儲「磚頭」之外,男人最愛的跑車同名表,同樣是其囊中物。據悉,擁有七架靚車的他,笑指自己甚少在街上走路,基本上外出都是靠名車代步:「我覺得車內嘅配套令我好享受,有時成日冇嘢做,就會揸車到處遊車河。揸完一架兜圈,然後再揸另一架,驚有一日啲車郁唔到。我喜歡追求速度,若路標係一百就會開一百,喺安全範圍內享受揸快車。」另外,他年輕時已經開始玩表,時至今日他已儲下四十多隻名表,陳山聰就曾大爆:「十幾年前,拍攝《大唐雙龍傳》時,吳卓羲已戴住Rolex Daytona,仲係白面鋼版添,當時嘅我,只不過戴緊塑膠表。」估計這枚Rolex Daytona,收藏到現時已升值至三十多萬。有靚車、有名表,又有半億「磚頭」,堪稱圈中的「隱形富豪」。

《飛虎之雷霆極戰》剛剛播畢,新一輯的《飛虎之壯志英雄》便火速開拍,吳卓羲繼續有份參演。據悉,他將與蔡思貝及姚子羚有感情線。