英皇新人、靚聲女王Elly（艾妮），剛剛以天使女神的姿態推出全新發燒概念專輯。Elly深情演繹九十年代至二千年代、香港樂壇流行經典愛情作品，當中黎明的〈送你一瓣的雪花〉更是她的重點推介。這首歌由香港Jazz大師雷柏熹重新編曲、「發燒HiFi教父」劉賢德監製，令人聽出耳油。
日前，Elly特意為〈送〉曲到石澳沙灘拍攝MV，當日氣溫高達三十三度，更要曬足五小時拍攝。怕曬黑的她笑說：「其實，我係好少出去曬太陽，今日係曬咗我成年嘅太陽，哈哈。」為了黎明⋯⋯首歌，Elly覺得幾辛苦都值得。
拍攝期間，在烈日當空下，Elly要爬高爬低，確是苦不堪言，她直言非常害怕：「之後，我哋上咗啲比較高啲嘅位置。其實，爬上去有啲難度，因為我嗰日着嗰對鞋係有啲platform，好驚會跌落嚟，哈哈。當日仲試咗啲航拍嘅shot，覺得幾得意，但我有啲驚，因為我覺得佢飛過嚟嘅時候，有啲似蜜蜂飛過嚟，我好驚呢啲嘢。不過都OK嘅，我覺得好開心！」

 

 

 

Elly（艾妮）profile

姓名：Elly（艾妮）
年齡：30歲
生日：12月17日
身高：170cm
體重：100磅
學歷：理工大學畢業
入行：原本任職手術室護士的她，一一年參加無綫的《超級巨星》入行。