為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 15 日

趕及限聚令前為女慶生 張兆輝冧啜前世情人

因應疫情加強防疫,7月15日0時0分生效,所有食肆由下午6時起至翌日朝早5時,期間不准堂食,只許外賣。而昨晚張兆輝趕及同家人喺跑馬地著名食店Amigo嘆法國菜,為愛女張卓姿慶祝16歲生日。輝哥喺FB上載圖文,深情留言:「我的寶貝珠Twiggy cheung happy 16th birthday, Love you forever,無法用言語表達我對你的愛❤願你健康快樂開心成長。」

相中見輝哥、輝嫂黑色情侶裝甜蜜現身,除咗壽星女,當然唔少得20歲大仔Edison,一家四口樂也融融,相當溫馨,超High輝哥除開紅酒慶祝外,又破戒食埋鎮店甜品芒果拿破崙蛋糕,仲攬鍚前世情人,現場還有戴住口罩嘅樂師伴奏,留下難忘晚上。

現年16歲嘅張卓姿長得亭亭玉立,遺傳咗輝哥兩公婆嘅正斗基因,驟眼睇有啲似年輕版李嘉欣,係索爆星二代。唔少網民祝壽星女生日快樂,學業進步,更大讚輝哥的留言好感動。

 

 

輝哥攬鍚前世情人慶生,好有愛。

 

 

 

張兆輝趕及同家人喺跑馬地著名食店Amigo嘆法國菜,為愛女張卓姿慶祝16歲生日。

 

一家四口樂也融融,相當溫馨。