為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 07 月 07 日

微博Fans人數下跌 半裸吳鎮宇着泳褲放狗「吸粉」

半裸鎮宇以性感Look「吸粉」。

好多藝人都有好多社交平台,例如Facebook、ig同微博,大部分都一雞三味,即係三個平台Post嘅嘢都一樣,不過,寫ig同寫微博好明顯係兩樣嘢,你寫廣東話,內地Fans未必睇得明,但亦有藝人冇ig得微博,咁就易搞好多,如吳鎮宇,佢仲好識得運用內地潮語,58歲嚟講都算好學。

鎮宇一有時間就會同囝囝一齊放狗。

尋日佢就貼咗張放狗相,重點係佢個裝束,就係得條好似泳褲咁嘅東西,好短好貼,半裸上身加兩條腿光脫脫,其實都幾罕見,點解佢要貼張咁嘅相?佢話,「我開始掉粉了,趕緊補救! ​​​​」之後佢再加多兩錢肉緊,「我讀書少,不要騙我!放費曼(佢個仔)照真的可以漲粉嗎? ​​​​ ​​​​」又掉粉,又漲粉,真係好多粉。

有Fans話想增加粉絲,貼囝囝相就可以,所以佢即刻試。

鎮宇同就快12歲嘅囝囝感情好好。