為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2020 年 07 月 09 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

音樂Jay圖

常聽到圈中音樂人大讚馮允謙(Jay),說他寫的歌一流,就算拿着一支爛咪,也唱得一流。
開始對馮允謙好奇,只發現他對音樂,狂熱到一個地步。沒有工作的日子,除了跑步,就只留在家中做宅男,抱着結他作曲,真正活在音樂的世界裏,邁步完成自己的夢想,多幸福。
超級喜歡他的新歌〈開始倒數〉,原來很多人有同感,純真又沒機心的他,大受音樂人喜愛,所以音樂平台JOOX催生出一個《搖滾企劃 we gotta LIVE it up》,由 Jay找來幾位歌手朋友AK江????生、AGA(江海迦)及ILUB艾粒(少爺占、Donald)一齊jam歌,來一次大變身的重新演繹。
不過形象鬼馬的ILUB,一聽到要演繹Jay有份寫詞的〈開始倒數〉時,Donald便搞笑地答道:「我要learn好啲English至得!入面Jay寫的英文歌詞,又急又快。」旁邊的少爺占也附和道:「唔係淨係英文嗰段難唱,成首歌都好難唱。」
當AGA知道有機會和Jay現場合作時,也特別提出說:「好期待同你一齊唱〈山旮旯〉呢首歌!本來Jay係想英文歌,但係我反問佢可唔可以唱〈山旮旯〉,因為我真係好鍾意呢首歌。」

音樂平台令Jay(中)有機會,找來幾位歌手朋友AK江????生、AGA(江海迦)及ILUB艾粒(少爺占、Donald),一齊jam歌。

 


而來自男子團體MIRROR的AK更開心地說:「真係好開心可以同Jay一齊合唱,因為我一直都係佢粉絲嚟嘅,我自己好喜歡節奏怨曲,而Jay就將呢種音樂駕馭得好好,而且將呢種曲風,同廣東歌融合係好唔容易,但佢就做到好成功。特別係〈開始倒數〉,同佢之前嘅歌好唔同,好有力量同動力,聽你唱現場時更加體會到嗰份感染力。」
Jay搶咪笑說:「好多朋友話我,唱現場好似同人鬧交咁。(唔係喎,我感覺到你有笑喎!)笑住鬧唔得o架咩?」
高手!高手!
回想起一天在演唱會後台忙着,公司同事笑着跟我說:「好佩服你可以成日笑住鬧人,又唔使自己勞氣傷身,俾你鬧嗰個又唔會覺得難受……」
天啊!你是否笑着駡我常常駡人?
只知道腦癌後身體大不如前,想發脾氣也無能為力,漸漸變得心境平靜,明白笑駡由人,灑脫地做人的道理。