為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 07 月 09 日

國安法殺到「和你餅」夭折

《港區國安法》殺到,不少「黃店」擔心店內嘅文宣內容或觸犯法例,紛紛撕走有關港獨嘅文宣外,又憂慮為籌款而出售物品後,若將捐款交畀支援抗爭者組織或會觸及紅線,所以部分早前以中秋「和你餅」作號召,聲言要為手足籌集費用嘅「黃店」,近日紛紛暫停銷售計劃。有「黃店」負責人坦言,正諮詢法律意見,再決定是否繼續出售。
多家「黃店」早前推出月餅計劃,發售逾萬盒雙黃白蓮蓉月餅,聲稱收益扣除成本後,會分別捐畀612人道支援基金等多個抗爭團體。不過部分店舖近日喺社交網發帖,聲稱因為尚未清楚有關捐款會否觸犯國安法,暫時擱置賣餅計劃。消息一出,隨即惹來「黃絲」支持者鬧爆,質疑有人怕死想跳船,有「黃店」老闆見勢色唔對,馬上帶番個頭盔,稱不論繼續售賣與否,所有收益必定全數捐出咁話。
「和你餅」計劃雖然夭折,但亦有「黃店」心不息,拒絕將敏感物品下架,且繼續喺社交網售賣印有「光復香港」嘅「和你扣」;但係不少支持者擔心,買咗會惹禍上身,都係齋睇唔買居多。

有「黃店」喺社交網發帖,表示暫停賣月餅籌款計劃。

 

部分「黃店」擔心文宣內容或觸犯國安法,紛紛清走店外嘅「連儂牆」。