為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 07 月 08 日

退唐股上市 陳思銘

三十三歲的陳思銘(Samuel),外形討好,既是英國尖子,亦是擁有市值億元「升學王國」的老闆,創業初期,他更索性做埋生招牌,將自己打造成專業英國升學顧問的王牌,每年為逾千名學生搭路到英國讀書,去年公司營業額近半億,有學歷又有事業,被譽為年輕才俊。
前年他與年長六年的唐詩詠傳出緋聞,多次被影到拍拖兼出入對方香閨,知名度急升,可惜二人於今年二月分手,並各出「分手文」,他笑笑口說:「唔係女朋友,係好朋友,一齊出過街,咁就上雜誌。我IG好多文章都有女主角,且有故事性,大家唔使睇得咁認真。」
優質股退「唐」後重新上市,單身的姊妹們,「飛雲」又嚟喇!

 

 

現階段事業為重的陳思銘,自言好鍾意小朋友,將來定會生兒育女,「做呢行接觸好多小朋友,知道要俾好多時間佢哋,唔可以假手於人,但我o依家根本無時間,所以遲啲先考慮。」

 

避談唐詩詠

身為公司執行董事的陳思銘,其升學中心佔地四千呎,他沒有專屬的私家房,反而與同事們「圍威喂」坐埋一齊,非常貼地。這天訪問,他在鏡頭前展示招牌笑容,問他覺得自己靚仔嗎?他連忙雙手合十說:「完全唔覺得,之前有傳媒寫我似邊個明星,好大鑊o架!仲俾網民鬧爆,我都係似番自己就算啦!」
前年盛傳他與唐詩詠拍拖,又被影到出入女方的住所,更一齊在超市買餸、在茶餐廳親暱開餐及行山,問到二人關係,他急劃界線:「好朋友囉!」(女朋友?)他似笑非笑說:「係好朋友!出過幾次街,咁就上雜誌,其實我識好多娛樂圈朋友,可能佢新聞價值高,所以多人寫。」
不過,今年二月,陳思銘在社交網站撰寫長文,暗示有第三者出現而與女友分手,並指自己借酒消愁,身為唐詩詠契哥的馬國明即嬲爆話不想跟「陳先生」扯上關係,陳思銘淡然說:「我都上過娛樂版,都知佢係咪真係咁講,唔介意得咁多。其實我IG寫好多文章都有女主角,增加故事性,大家唔使咁認真。」
對於緋聞,他不願多談,但談及如何由零開始創辦升學生意,他卻滔滔不絕。
他在廿四歲創辦「英識教育」,搞升學顧問生意。為了成名,曾一口氣寄出十二篇文章,自薦給各大報章及網站,不收分文寫專欄;又贊助電視拍升學節目,晚晚開直播介紹英國學校和升學方法。知名度大增,令他成功確立年輕有為的「升學專家」形象,他坦言:「呢個係當時令公司可以喺最短時間,俾最多人認識嘅方法。不過,多咗人識得我,卻令到我無咗私人空間,最核突係生大孖瘡都要上鏡,出街又唔可以做乜都得,同男女同事去按腳,俾記者影到又話我未出發先興奮……」

他好貪玩,只要有得玩,上山下海都奉陪到底。相反讀書則不會出盡十成功力,寧願留番些時間玩樂。

 

陳思銘在英國時已喜歡畫畫,當時打扮MK的他,尤其精於人像素描。

 

他與同是「英國代言人」的陶傑好老友,大家同聲同氣,不時聚會。