為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 07 月 08 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

證券業的新手村

剛收到亨達集團徐聯安(Gordon)送來新書《職場「徐」意門~離開新手村》,雖然自己距離「新手」階段好遠,不過呢本書講嘅係證券界職場,所以讀起嚟都好有親切感。同事經過見到,問我本書係咪教人打機?原來「新手村」係電玩名詞,即係開始玩一個遊戲先進入嘅地方,喺呢度玩家會先做一啲簡單任務熱下身,然後可以得到獎勵或武器,一般玩家唔完成任務唔可以離開新手村。同職場新人情況確實相似。
咁啱見到Gordon,即刻恭喜佢再有新作,佢解釋書中所述故事都係真人真事,希望能夠幫到年輕人成功闖過職場第一關。佢喺公司帶過好多MT,見過值得學習嘅例子,亦有新人常犯嘅錯誤,呢本書可以話係新丁指南。
本書教人離開新手村,但Gordon反而擔心今年畢業生能否有機會進入證券界新手村。佢上年出任香港證券業協會主席,協會今年一月做會員調查,發覺只得一成六券商表示年內會請人,比起二○一九年一月所做調查,當時有四成二話會增聘人手,顯示請人意欲大降。不過近期中概股來港上市帶動股市投資氣氛不俗,會否令券商考慮請人?

徐聯安出書,目的是帶新人離開新手村。

 


Gordon同意股市成交有升勢,但大部分C組經紀都未能受惠。為了解行業經營實況,近月佢同兩百幾間證券行見面,幾乎都同佢講唔會請人。佢覺得如果今年券商唔請人,應屆畢業生冇入職機會,行業亦會欠缺新血。於是佢聯絡會員,希望大家合力提供實習生職位,為行業培養人才。業界都好支持,一共設立十五個MT位,遲啲協會會去大學舉行招聘會,畢業同學可以留意。
講返本書,Gordon雖然鼓勵年輕人發揮創意,但亦勸新手們多了解傳統背後嘅原因,有時傳統唔一定過時。好似新人可能覺得請假好小事,朝早唔舒服就發個短訊請假,上司幾時睇到短訊無關重要。試過有券商老闆要求員工打電話確定上司知道佢請假,佢哋覺得呢個做法好out,但冇了解清楚公司點解要一朝早搞掂人手安排。
證券行業要符合監管機構規定,公司崗位替換有好大局限性,唔可以隨意由其他部門調配人手代替。例如證券行每朝都會由專責人員開啟系統密碼,檢查錄音和交易系統係咪運作正常,另外有同事負責股票交收、查閱客戶倉底結餘、做市場分析等,而且前線和後勤唔可以跨部門操作,否則會違反職責分離嘅監管要求。對於人手少嘅中小型券商,有同事返唔到工,主管要喺開工前調配人手,否則會影響開市後客戶交易。
分享個人經驗,我都做過銀行MT,除咗三年實習期在學習之外,到正式成為Officer都仲要不斷接受磨練。記得當時跟一個上司,我落足心機做份報告,佢睇完之後要我重做,後來再交都係要改。最初我覺得上司過於挑剔,但經過一段時間,我細心分析佢嘅要求和改動,逐步改良自己嘅報告水平,最後竟然得到佢讚賞,而從中我亦學到嘢。所以我個人嘅忠告係永遠當自己係新鮮人,不斷學習至能不斷進步。