為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 07 月 02 日

「獨」派雞飛狗走 陳雲急跳船

港版國安法通過前夕,泛民同本土派人士驚到有得震無得瞓,有本土派「國師」之稱嘅《香港城邦論》作者陳雲,日前就喺社交媒體宣布退出香港社運,聲言今後會繼續學術研究,偶爾寫吓書,擺明想拍拍屁股走人。但佢轉軚完畢後不忙使出回馬槍,指自己嘅工作被泛民港獨騎劫,又指原本主張維護中港共榮嘅本土派,被泛民媒體刻意宣傳成港獨派,呢番言論,明眼人一睇就知係想同泛民割席。
鼓吹「香港建國」嘅陳雲,二○一四年佔中期間以「國師」姿態指點喺旺角示威嘅信徒「勇武抗爭」,鼓吹用盾牌對抗警察,但佢自己就鮮有親身落場。 在佔中爆發第三日,佢更發文「警世」,聲言革命就係武裝衝突。陳雲又喺一六年立法會選舉中主張「永續基本法」嘅議程失敗之後宣布退場,佢落選後曾稱「永續基本法是貨真價實的港獨」,但帖文後來已刪除。講到天下無敵嘅佢一見港區國安法來臨就腳軟,縮都縮唔切,難怪畀網民揶揄佢係「縮頭烏龜」。
龜縮嘅又何止佢一人,「香港獨立聯盟」召集人陳家駒都急急跳船,在其社交平台發文,承認自己已離開香港,但就帶定頭盔,稱「我的離開並不代表自己已放棄」。

言論激進嘅陳雲(左)突然急急跳船退出社運,轉軚之快耐人尋味。

 

曾聲言要齊上齊落嘅陳家駒稱已離開香港,畀網民寸佢「得把口講」。