為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 07 月 03 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

網購背後的智慧產業鏈

內地「六一八」係「雙十一」以外最大型電商購物節,一般由六月一日至十八日,但亦有平台一路促銷至六月底。今年六一八創下銷售金額歷史新高,其中京東銷售近二千七百億元(人民幣,下同),按年升三成三,阿里巴巴旗下天貓單量更累計近七千億元。
以往大百貨公司搞購物節,生意始終受制於場地可以逼到幾多人入去,而且畀錢大排長龍亦令到生意做少咗。網購雖然唔使同人逼,但網店一樣會擠塞,加上有不少平台和品牌搵明星和網紅「帶貨」,甚至有企業高層粉墨登場,好似格力CEO董明珠在六一八期間親自直播推銷自家品牌產品,直播帶貨銷售逾一百億元,咁短時間內要應付海量訂單,並要處理之後嘅倉儲、揀貨、包裝、送貨等,可以話係考驗成個供應鏈效率嘅關鍵時刻。
早前訪問神州數碼控股(0861),公司除咗介紹智慧城市業務嘅發展,都有講解另一核心智慧產業鏈業務。呢項業務由公司旗下科捷經營,全國有二百三十一個倉儲中心,面積超過一百萬平方米,主要服務IT、通訊、汽車配件、電商等客戶,包括比亞迪、中興、中移動、華為、小米等,呢幾個領域都處於領先位置。

六一八成功帶動網購熱潮,也考驗了物流產業鏈的效率。

 


神州控股係數字經濟公司,所以物流業務都建設喺大數據、人工智能物聯網(AIoT)之上,能夠發揮智能倉儲物流優勢。二○一九年度內智慧產業鏈業務營業額增四成二至五十三億港元,期間雙十一創下三百萬單紀錄,今年六一八承接單量按年增近五成。而最重要係能夠喺單量大幅增加情況下,保持百分百及時發貨。
科捷能夠達到高效率,主要由於公司自行開發相關技術,包括物流協同軟件、以KingKoo Data大數據平台為基礎嘅智能服務,可以提供點對點一站式供應鏈服務。例如今年很多公司喺六一八期間推出不同折扣優惠、明星直播、秒殺促銷等活動,以致單量大增而且複雜,客戶亦難以估算訂單結構和數量,商品包裝和操作難度都較前增加。科捷利用本身嘅大數據平台,先分析並預測訂單結構,提前作精準預備。
好似李寧品牌因為直播帶貨,購物節單量比預測超出一倍多,公司仍然能夠達到四十八小時內出貨嘅保證,背後係通過系統預先識別爆款,提早調整倉儲位置,避免揀貨時出現互相堵塞情況,發貨就可以更有效率。其中位於北京嘅倉庫,喺第二波疫情出現,人手緊張情況下更做到三十六小時發貨,除咗依靠智能方案,仲因為利用人機結合,喺機械人自動操作慳人手背後,加入人嘅精細化管理,既可節省人工成本,亦靠員工經驗提升貨倉容量。
IT、通訊裝置方面,科捷每年運送超過一億部手機。其中公司同小米合作,六一八之前先為小米產品引入自動稱重流水線,提高發貨效率和時間。智慧產業鏈連接新舊經濟,係網購背後嘅重要支撐。