為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 娛樂一針 2020 年 06 月 30 日

黃庭桄

《東周網》總編輯、《東周刊》副社長、兼星島新聞集團娛樂、名人、副刊總監。傳記著作有陳方安生《盡付笑談中》、鍾鎮濤《麥當勞道》、沙士紀實《香港還有英雄》和慈善義賣的《一念天堂》、《Cash Happy Book》,哲理著作有《人生何處不Laughing》、《一百個人的遺憾故事》、《眾善孝為先》、《娛樂一針》、《Fly Me To The Moon》、《送你一對翅膀》、《潮爆神獸卡》、《曾付出幾多心跳》、《終於在眼淚中明白》等。

飛虎之撞鬼極戰

任你是身經百戰的飛虎隊,毋懼槍林彈雨,敵得過恐怖襲擊,又如何?
當敵人是來自幽冥的鬼怪,戰線橫跨陰陽兩界,這場仗,勝負難料。
在電視劇《飛虎之雷霆極戰》中,飾演飛虎隊總警司的苗僑偉,現實生活裏,曾經在酒店遇到猛鬼來襲,他當然沒有手槍,只得赤手空拳。
被鬼壓住的他心生一計,以連環粗口當作子彈,竟成功擊退猛鬼脫險。
那一次恐怖經歷,是發生在吉隆坡登台期間。當日他在下午兩點便去到當地的酒店,因為舟車勞動,他在酒店房小睡休息,但他聽到廁所不時傳來神秘雜聲,令他心知不妙,難以入睡。
「我突然間感覺到牀腳位置,有個好高嘅黑影,喺我腳前面升上嚟!」嚇得他面都青埋。
「我一望,嘩!咩嚟o架?我想趷起身,點知個黑影大字形撲上嚟,壓住我成個人,我無論點掙扎,都係郁唔到。」

 

 


在危急關頭,苗僑偉就記起前輩的教路,「以前有前輩教過我,俾鬼壓時,就要大大聲X佢老母呀!最後我就真係係講咗句『X你老母』,真係即刻郁得番喎。」
之後三哥即刻彈起身拉開窗簾,讓陽光照入酒店房間,再致電保鑣講述這件事,保鑣即提出晚上陪他一起瞓。
一夜好夢,無驚無險,但直至早上七點,三哥扎醒後,再次俾鬼壓。
「我最驚就係呢個經歷,我當時親眼見到,有一個阿伯,踎咗喺保鑣瞓覺個位望住我。」
然後苗僑偉跟之前一樣動彈不得。「我真係好驚,惟有心裏面同佢講:『阿伯,唔關我事,我路過o架咋,我嚟搵食咋,你唔鍾意我,我最多走囉,你放開我先啦。』講完之後真係郁得番,阿伯又消失咗。」
事後保鑣向他提及,自己在當日原來亦經歷俾鬼壓:
「佢話瞓到五點幾就俾嘢壓,壓到成隻腳腫晒,佢見我瞓得好腍,所以冇叫醒我。」
牀邊有你,廳有你,進出於腦海⋯⋯陰陽路上,能有靈界飛虎隊,把滯留無助的眾生,救出迷離苦海嗎?