為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 06 月 30 日

名媛馮雯熙 掃貨不忘陪囝囝

熱刺刺嘅端午節,居然巧遇一身火辣辣嘅建築女王馮雯熙Christine,咁養眼當然吸引咗唔少途人嘅目光啦!經常單人匹馬勇闖地盤嘅佢,今次身邊多咗位可愛俊男,我哋梗係上前同佢哋傾幾句啦!

Christine對於揀護膚品方面絕對唔吝嗇,不過佢話唔會亂試產品,就好似做生意咁,最緊要精準!

細問之下,呢位咁得意嘅靚仔原來係Christine嘅寶貝囝囝Cristiano,今年已經五歲嘅佢,係中法混血兒,唔怪之得咁可愛啦!Christine仲特別將佢旗下嘅抗氧酵素精華品牌用囝囝個名命名,話希望可以留畀囝囝傳承,可見Christine幾咁鍚呢個囝。雖然呢位媽咪身家豐厚,但囝囝一啲都無少爺仔脾氣,Christine就話响品格方面佢好嚴謹,唔可以縱容,呢方面筆者就可以證明,因為連Christine本人都好貼地o架!

囝囝Cristiano係中法混血兒,樣子可愛唔在講,跟住媽咪嘅佢仲好乖好聽話,Christine話小朋友仲唔會扭計玩電話,呢點相信好多港媽會好羡慕!


做女強人都要keep住靚

擁有一身健康膚色嘅Christine,雖然經常同陽光玩遊戲,但皮膚依然幼滑,毛孔仲好細緻。佢話飲咗旗下嘅抗氧酵素精華好幫到手之外,亦十分鍾情日本品牌Clé de Peau Beauté,貪佢修復效果夠強勁。至於點樣可以經常應酬都可以keep到咁fit,佢就話自己屬早睡早起嘅人,所以晚餐唔會太夜食,通常七點左右就會起筷;每餐亦唔會食得太多,零食呢類就梗加唔係佢杯茶。所以話,女人要靚,係要keep無得懶嘅!

一身火辣打扮嘅Christine時刻都保持最佳狀態示人,响ifc沿途吸引咗唔少目光。