甜蜜的反差

有隻雀仔跌落水，跌落水，跌落水，有隻雀仔跌落水，被水沖去……
做了媽媽之後，很少唱這首歌，因為歌詞已經是一個悲劇，雀仔死因完全無可疑。
不明白為何世人會把這首歌當作兒歌？
看過了袁劍偉執導的新片，聽到林嘉欣以甜美的聲線演繹，更加不寒而慄。
原來林嘉欣可以如此這般的恐怖……
袁劍偉夫妻檔拍《死因無可疑》，從不看驚慄片的我，抱着戰戰兢兢的心情，入場支持。
看見平日溫柔嫵媚的嘉欣搖身一變，增肥十幾磅，滿頭白髮，演不修邊幅兼有眼疾的中年怪婦，戴上特製眼鏡，已經夠殺氣。
超喜歡演戲的嘉欣，對戲中毒婦角色，簡直愛不釋手。

問袁劍偉為何選老婆，於《死因無可疑》中演變態女人？他即笑說︰「首先，我要講，嘉欣好善良好溫柔好sweet ，搵佢演就係因為佢同呢個角色完全相反，觀眾先有反差感覺。」

她說，以往揣摩角色多會順着自己直覺走，今次卻花了很多工夫於外在元素，以求協助演出時，找到角色的內在感覺，單單為了尋找角色行路的節奏，曾專誠跟戲劇導師甄詠蓓，上了八小時的課。
對於這個不尋常的變態角色，嘉欣認真地說：「我第一次睇劇本嘅時候已經喊咗，因為唔明一個媽咪，點解做得出啲咁嘅嘢。不過我唔會去批評呢個女人做嘅一切係啱定錯，我只係投入了解佢過去嘅經歷，佢長期喺家暴下成長，佢嘅自卑嚟自佢外貌同家庭，所以出現受害者心態，反而我會對呢個角色，多咗憐憫同理解，將佢對世界嘅不滿表達出嚟，呢個係演戲最大嘅挑戰，我覺得好好玩！」
嘉欣還興奮地說：「最開心係同黃秋生、廖啟智三個人拍嗰場戲，我哋排都冇排就埋位試，點知拍得好順利，大家好有默契，做演員最開心係遇到呢啲對手，如果唔係導演嗌停，我哋可能可以好認真咁再做落去。」
問袁劍偉為何選老婆來演此種變態女人？他即笑說︰「首先，我要講，嘉欣好善良好溫柔好sweet ，我搵佢演，係因為佢同呢個角色完全相反，觀眾先有反差感覺。」
袁劍偉完成第二個電影夢想，太太嘉欣這次又過足戲癮，可喜可賀。
如果你從不珍惜，請不要後悔；如果你從不試着理解，請不要憎恨；如果你沒有親身經歷過，請不要妄加評論。