為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 06 月 25 日

茹樂無窮 楊茹庭

尋找快樂,談何容易?對波爾錶太子女楊茹庭(Sean、前名楊如芯)來說,走出離婚陰霾,重新出發,就是「樂活」的方程式。
除了改名轉運,向來諗頭多多的Sean,於去年先開鮑魚專門店,今年再搞搞新意思,投資七位數字,搞兒童教育中心,可惜遇上世紀疫症,等待大半年,近月終成功開業。「籌備咗兩年,計過條數,本來一年可以返本,o依家至少要一年半至兩年,好在業主減咗幾個月租,當幫補番啲啦!」
現時追求簡單生活的她,連做生意也本着開心為大前提。「客人食完好味嘅嘢,會好滿足;小朋友玩完出去,又係會笑晒,我想帶俾人快樂。」
事業得意,情路上亦重新出發,她與混血兒女友蜜運一年幾,簡單一句「好開心」,已勝過千言萬語。

近年大熱鬼口水,楊茹庭與關愛一站通合作,邀請有特殊需要的小朋友來中心玩,為慈善出一分力。

 

鬼口水可搓成多種形態,加上裝飾就成生日蛋糕,這是Victoria的作品。

 

受契女啟發

在楊茹庭新開的兒童教育中心外,就已是海灘,藍天與白雲,大人細路都可以暫時放低壓力。「選址諗咗好多地方,最後都係覺得淺水灣最適合。一嚟人流好,逢星期六、日同暑假好多人嚟玩,附近又有住宅,大人去游水曬太陽,小朋友可以喺呢度玩餐飽。」
逆市開業遇阻滯,但Sean對前景依然感樂觀,直言非常喜歡這個新嘗試,「喺屋企呆咗幾個月,近月疫情穩定少少,可以出番街,小朋友亦要娛樂。我搞呢度,最主要係受我兩個契女影響,見佢哋成日喺屋企玩『鬼口水』,玩到好污糟,咁我就諗不如搵大啲地方,俾多啲小朋友一齊玩啦。我覺小朋友唔應該死板讀書,課餘時間可以玩多啲嘢。近年教育界推動STEM(結合科學、技術、工程及數學的教學內容),我哋加入呢個元素,砌吓機械人、電動車,俾小朋友動下腦筋。」
她透露自己亦非常喜歡砌Lego︰「我只係砌傳統Lego,唔識郁嘅,得閒加間Cafe、髮廊,又加吓燈仔、人仔,砌一條街要幾個月時間,考耐力同眼力,好過癮o架。」
做開鐘錶、飲食生意的Sean,對教育事業充滿憧憬,更有意栽培契女,並讚她們很有生意頭腦,「佢哋先至係呢度嘅CEO,裝修設計我都係俾佢哋諗,Victoria玩鬼口水玩咗三年,星期六、日會過嚟幫手,做小導師;而妹妹Chantelle就鍾意設計程式、砌Lego ,呢度啲宣傳片,都係佢哋兩姐妹負責拍。」Sean示範玩鬼口水時,Victoria不時從旁指點,對着契女,外表硬朗的她,笑得最開心自在,即使被捉弄,她亦只會笑着溫柔責備︰「Stop it, Victoria!」痛錫之情,溢於言表。
談到契女,Sean指認識她們的媽咪很久,因為Victoria很喜歡打高爾夫球,跟Sean很夾,於是三年前她就決定跟兩姐妹上契,得閒就會帶她們周圍玩。

中心設計色彩繽紛,七彩小配件猶如走進糖果店,童心滿瀉。