為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 06 月 25 日

煞科後要小休 岑麗香唔排除隨時再生仔

無綫新劇《BB大晒》昨晚台前幕後舉行煞科宴,演員馬國明、岑麗香、商天娥、龔慈恩、陳自瑤及吳業坤等都有出席。戲內戲外都是男主角馬國明,馬明約8時30分匆匆離開,未有時間接受訪問,留下香香支撐大局。

岑麗香透露全劇已煞科,而她昨日一如既往早上6時起床,全程投入照顧兒子Jacob。香香笑說:「之前都會照顧嘅,不過另一半會多啲亦都多啲人幫手。」談到可有慶祝父親節,她笑笑說:「有啊!當日收工都趕得切食飯。丈夫(強強)係一個Super Dad嚟,佢做到自己嘅嘢,又畀到好多時間小朋友,其實我都好感激佢,係我嘅榮幸。」之後香香會休息一段時間享受家庭樂。

香香拍完新劇會休息一段時間湊仔。

 

提到好姊妹李亞男日前宣布再度懷孕,問到可有衝動追第二胎?她笑說:「順其自然啦,將來都想嘅。如果囝囝戒咗片先嚟,我同老公都會覺得舒服啲。有計劃,但唔想畀大家壓力。」

談到跟馬國明合作同樣開心又順利,她笑說:「好開心呀!最開心係同成班人合作都好開心,好爆笑。雖然夏天拍嘢真係辛苦,亦開心可以咁快煞科但真係有唔捨得。」對於馬明跟湯洛雯戀情曝光,問兩人公開戀情前她可有察覺到端倪?她笑說:「留返畀佢講啦,人地嘅事唔多講。但都覺嘅,哈哈,但當然唔問啦!我覺得人地開心事,等人地去宣佈,想分享就分享,唔想分享就自己享受囉。不過拍拖係應該嘅,所以我好戥佢開心!」