為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 06 月 24 日

三黃絲區議員挑機 力攻中大校友評議會

泛民繼橫掃區議會選舉大勝後食過翻尋味,近月「黃絲」再四出搶地盤,呢次輪到中文大學校友評議會,三位民主派區議員都爭埋一份。曾擊敗何君堯嘅屯門區議員盧俊宇、九龍城區議員李軒朗將參選常委,元朗區議員兼中大學生會會長張秀賢就參選主席。一場校友會選舉都爭崩頭,只因爭到做新主席,就可自動兼任中大校董;而常委之間亦可互選兩名校董。即係話,若校友評議會成功被「染黃」,或有力一改中大校董會格局。
校友評議會主席林偉雄坦言,唔希望評議會選舉變得政治化,「呢個係凝聚校友嘅地方,希望選出真心回饋母校嘅人,若然有人搞政治,不如參加政黨好過。中大是很多人的家,亦是學習及科研的淨土,唔適宜將政治帶入校園。」
評議會將於七月十八日舉行會員大會,目前有四人表明參選常委,分別係盧俊宇、李軒朗,另外仲有現任評議會常委會薦任委員王翠虹,同現任聯合書院校友會理事李廣宇,即係四人爭兩個位。而主席位除張秀賢挑戰外,現屆副主席郭碧蓮及現任常委楊于銘都會角逐。
部分校友可能對郭、楊兩人較陌生,聽聞兩位過去都捐唔少錢支持中大發展,作風低調,捐完錢都唔會四圍炫耀。知情人士透露,畢業於崇基經濟系嘅郭碧蓮係會計師,打拚多年後事業有成,不忘出錢出力協助年輕校友創業,舊年仲低調捐過千萬元支持中大中醫學院。
至於楊于銘雖然只得三十幾歲,但修讀風險管理嘅佢係叻仔一名,依家係聯合書院校友會幹事。為撐母校,佢近年慷慨捐款,加埋有近七位數字,「兩位多年來默默為中大做實事,從來唔爭風頭,但今次選舉就畀人話係扮開明派,認真唔抵。」
中大喺反修例風波下無端被捲入政治鬥爭,搞到校園被嚴重破壞,更被封為「暴大」,令唔少校友好心痛;估唔到抗爭氣氛稍為緩和,「黃絲」又再次掀起鬥爭,難怪有校友近日頻頻呼籲舊生踴躍投票,唔想中大被「暴大化」。
以往評議會選舉嘅投票率唔算高,只有三至五百人投票,不過今次喺兩大陣營吹雞動員下,預料競爭非常激烈,投票率亦會創新高。理論上逾二十四萬中大校友都可以投票,不過要成為選民,需喺七月十日下午前遞交登記表格。一時間有大量登記表湧至,睇怕校友事務處認真唔得閒。

張秀賢稱「誤信有參選人係開明派」,臨門一刻決定參選。

 

會計師郭碧蓮(中)競逐主席之位,而常委會薦任委員王翠虹(左)同現任聯合書院校友會理事李廣宇(右)就參選常委。

 

九龍城區議員李軒朗。

 

曾擊敗何君堯嘅屯門區議員盧俊宇。