為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 06 月 23 日

來回地獄又折返人間 古明華

人生,沒有永遠的藍天白雲,而五十六歲的古明華,遇上的更是連場暴雨。
年輕時的他,於演藝學院遇上初戀情人,即後來的古太,那一刻,和煦的陽光照亮了他的人生。「當初我同我老婆拍拖,我已經係諗住同佢結婚生仔、長相廝守o架嘞!」
天從人願,就在古明華加入大公司TVB後兩年,二人於九六年成婚,女兒於九八年出生。惟女兒在十歲時,確診患上腎小球炎症,病發時會全身嚴重水腫,每月的醫療費用過萬元。為了籌錢面對這個長期病患,他最高紀錄試過五十小時,不眠不休地工作。太太又不幸突然遇上車禍,後遺症令她行動不便,古明華要一人背起家庭重擔。
「當生命要不斷take care人、去愛人,其實係一種幸福嚟嘅,有時被愛嘅,反而未必幸福,咁我即係一個好幸福嘅古明華!」
一六年,古明華患上肺結核,身心飽受煎熬;誰知道自己患肺病後一個月,太太又證實患上重病,「嗰時好辛苦,自己未搞得掂,又要接受多一個打擊。」幸好上天慈悲,太太最後戰勝頑疾。
平穩度過數載,今年一月,古明華離開了效力廿六載的TVB;三月尾又因為急性膽囊發炎,要緊急開刀做手術,切去整個膽囊,「割咗個膽兩個星期後,我就要開工。離開咗TVB,手停口停,要靠長期服務金同積蓄生活,唔做嘢點得?」
暴雨過後,古明華重拾步調,更珍惜天藍的日子。

 

 

手術過後,古明華少了一個膽跟十五磅,多了這道近七吋長的疤痕,是他活過來的印證。

 

真‧痛不欲生

就算事隔八年,古明華於大眾眼中,跟其代表角色「蘇基」甚相似:少少肥多多cute,但訪問這天,因膽囊炎手術,令他瘦了一個圈。
「之前我都試過膽有事,兩次都係食藥唞吓就冇事,但係今次就痛到我孿喺地,仲標晒冷汗、發冷發熱,仲係咁撼個頭落地下,希望頭嘅痛可以分散到個肚嘅痛。本來我打俾老婆,叫佢返嚟車我去醫院,但最終都係等唔切,太痛!於是叫個女call白車。
「嗰一刻我有諗過,如果個窗冇窗框,我寧願跳出去死咗佢就算,雖然我屋企喺三樓呀吓⋯⋯太痛嘞!」
入院後,他急不及待求醫生為他打止痛針,全因他要準備兩日後開工。「咁我即刻起死回生,成個人返晒嚟。檢查晒之後,醫生發現我個膽有事,要做手術出唔到院。但係我入院後兩日有個job,四月頭又要拍節目,點做手術啫?冇喺TVB,我冇底薪,所以每次有job我都好珍惜,對我嚟講,搵食係最重要嘅!所以病又有乜所謂?我一定捱得過嘅!」
不過,古明華只捱過了止痛針有藥效的時間,「痛到連再打止痛針都冇用,醫生仲話,因為膽囊爆咗,啲膽汁漏咗出嚟,冇得做微創手術,一定要開大刀,徹底清洗腹腔。」
一向以妻女為先的他,手術前卻完全未有出現在他的腦內。「係因為我痛到顧慮唔到佢哋會點,當麻醉藥有效之前,我喺手術台上最後一個意識係:點解我仲係咁痛?後尾諗番,如果我真係咁走咗,乜嘢都冇講低,會係一個遺憾。」

雖然廿多年來,古明華一家三口,只去過一次家庭旅行,但他一講到妻女,就滿臉幸福。

 

古明華的演出,不計他得到的名利,這畫面亦曾帶給我們不少歡樂吧。