為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 06 月 18 日

跟狄志遠「分手」鄭承隆認有分歧

近月專注生產本地口罩嘅新思維副主席鄭承隆宣布退黨,佢對外解釋係感到以政黨模式行中間路線已經行唔到落去,與其建制、泛民兩邊不討好,不如抽身做番自由人,可以同更多朋友暢所欲言。
不過坊間隨即傳出佢其實係同新思維主席狄志遠喺生產口罩有拗撬,事關狄志遠牽頭搞嘅家庭教育學院,喺五月一號忽然退出口罩生產線,加上坊間有傳鄭承隆有意部署九月立法會選舉,促成他退黨決定。版本係真係假?要問過當事人先知。
鄭承隆接受查詢時強調與狄志遠冇鬧交,「意見不合就一定有,有次因為有同事訂錯耳帶同鼻托,我哋拗過一輪,但最終解決咗件事就無嘢。」佢形容跟狄志遠仍然好老友,「阿狄仍有幫我哋去協調NGO有關購買口罩事宜,大家仲會約埋飲茶食飯吹水。」對於外傳佢退黨係為咗部署九月立法會選舉,鄭承隆斷言否認:「無興趣入議會,一定唔會選!」
本刊搵埋另一當事人狄志遠,佢對突然退出生產線另有解釋:「家庭教育學院係NGO,起初我哋籌到二百萬元,但筆錢用晒後我提議再籌,承隆就提議走商業模式,自負營虧,但營運模式會同NGO有衝突,既然係咁不如退出,我繼續以朋友身份協助佢。」

鄭承隆坦言跟狄志遠為製作口罩事宜有意見分歧,但仍視對方為好朋友。

 

狄志遠否認跟鄭承隆因生產口罩鬧翻,「我哋仍然有約埋飲茶食飯。」