為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2020 年 06 月 20 日

育鸚園 - 郭秀雲 一屋十六鳥

颱風「鸚鵡」早前襲港,人人做好防「鸚」措施,不過名人圈中卻有一班愛「鸚」迷,原來陳淑蘭、陳庭欣和黎姿等都是鸚鵡粉絲,當中郭秀雲家裏更變成雀鳥託兒所,朋友見到有「棄鳥」就交由她照顧,現暫托了八款不同品種,共十六隻雀。
為了湊雀B,郭秀雲出心出力,「朋友知我識養BB雀,就拎過來叫我搞掂,其中一隻得幾個月大既鸚鵡BB就係朋友送嚟,佢有公主病,好難餵佢食嘢,又奄尖,要花好多心機服侍佢。佢好嗲我老公,一見我老公就想飛撲埋去。」

郭秀雲自小跟不同類型的鳥類相處,熟識鳥的習性,她表示這隻鸚鵡BB好醒,識得睇人來嗲,又超貪玩。

 

郭秀雲 一屋十六鳥


近年致力發展保育慈善的郭秀雲(Sharon),成立了「海峰環保教育」,為海陸空的生物及保護環境發聲。每年春至夏天,是雀鳥繁殖的季節,亦是她最忙碌的時間,她幾乎成為全職褓姆,「有啲朋友整冷氣機,見到有個雀巢,又執來俾我湊;打風落雨,傭人見到花園有隻相思雀,又拎入屋俾我;見到花園有麻雀蛋,又叫我養。整整下,屋企愈來愈多雀,o依家有成十六隻。
「我盡量唔想同佢哋太親近,我唔希望佢哋太馴服,太黐人就唔識得自己搵食。我想佢哋做番野生動物,將來可以放生。如果單獨一隻,我就會嘗試去雀仔街,買一、兩隻同一品種、差不多年齡嘅一齊養大,到時慢慢再放生。慢慢放生嘅定義,係首先見佢已經可以食成鳥嘅糧食,識得飛,然後打開鳥籠,俾佢自由出入。」
郭秀雲現時要照顧家中的十六口,包括有鸚鵡、紫嘯鶇、相思、喜鵲、麻雀、黑領椋鳥、紅耳鵯等,每日都應接不暇。她特別動用一個房間,放置不同大小的鳥籠等設施,「如果真係要飼養得好,而我屋企又咁多品種,其實係要有一個地獄式時間表。越年幼同細小嘅雀鳥,就越要好緊密咁餵佢食嘢,一個鐘頭內要餵兩、三次。有時啲雀又會扭計,要花好多心力同時間去照顧。加上家中有領養返來嘅狗同流浪貓,所以一定要非常非常之小心,唔可以俾佢哋入雀仔房。老狗應該唔會傷害啲雀仔,不過啲貓就一定會捉佢哋,因為我相信佢哋做野貓時,一定捉過雀仔食。」

郭秀雲笑指這隻鸚鵡BB好跟人,但有公主病,「佢食嘢好奄尖,唔係俾乜佢都肯食。」

 

香港常見的麻雀,一般都好怕人類又機警,所以放回大自然,生存率非常之高。