為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 06 月 13 日

區塊解密 何倍倩

要與時並進,「恒生新抱」何倍倩(Anina)選擇置身其中。近年她收埋自己,埋頭苦讀哈佛的電腦及管理碩士課程,去年底還學以致用,推出構思並研究了兩年多的區塊鏈(Blockchain)應用程式,檢驗食品、餐廳等,驗證食品的來源及安全性。「每日都提醒自己要謙卑,因為呢個概念好新,我哋真係要用好多心機,去解釋俾人聽,乜嘢係區塊鏈。」
走在科技尖端的她,更將之推廣至家中三名子女身上,「我八歲時已經開始學寫程式,我嘅仔女自幼稚園已經學寫app,如果可以將科技融入本身識嘅專長,會令到件事做得更好。」
何倍倩全情投入,解構一個二維碼的背後,不只黑白,還有更多資訊。

何倍倩創立區塊鏈的認證app,QR code內有齊產品源頭的資料,「希望社會嘅人可以有透明同安全嘅環境、產品同食物,減少疾病,唔好俾啲黑心同冒牌貨渾水摸魚。」

 

親人患病

訪問這天,何倍倩聲音沙啞,她解釋,近月因為四出推廣設計名為「Laclary」的區塊鏈應用程式,每天由早上至晚上,重複又重複地講解甚麼是區塊鏈、運用這科技驗證產品的好處,致令身心俱疲。「個app可用喺食物、護膚品、衣物,甚至名畫上面,係我用blockchain技術去製作,即係資料唔需要通過第三方,只要一經上載,就唔可以更改或刪除。
「與此同時,我哋有lab同認證機構去核實資料,仲可以追蹤到食物或物品的源頭,知道係咪真係正貨,令消費者更安心。o依家嘅marketing已唔再似以前,唔係你話呢件物品好正就係正;而係要真正清楚列明、有根有據,呢件物品係咪你所講咁好呢?」
一切的起源,是一向注重健康的她,自有親人患上重病後,便深信病從口入的道理。「好似我哋出街食飯,唔會知道餐廳用邊啲食材,而裏面可能好多化學物質,呢啲物質積聚喺身體,就會成為問題。以前我哋只靠消委會公佈邊啲食物有問題,先發現原來我用緊支豉油會致癌,死啦!都已經用咗成年!於是我就諗,點解要出事至查到?我同團隊就設計呢個系統,希望所有人喺購物之前就知道『源頭』。」

 

她用手機掃一掃產品上的二維碼(QR code),立即呈現一系列的源頭資料、證書等,以證明產品的真確性。

 

她與團隊親自去食肆講解,更親教清潔部的員工,如何做到能真正消毒殺菌。