為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 06 月 04 日

林作母子stay home開波

早前投身保險界的林作(Joe),近月除了間中出外見客,大部份日子都留在家中抗疫。
自小與母親王莉妮相依為命的他,宅家期間常常準備特別節目,給母親驚喜。母子二人會孖住去買餸,他又會親自下廚煎牛扒,更會將飯枱變身成波枱與母打乒乓球和玩啤牌,珍惜難得的共處時光。
不過,林作依然保持着一貫的招積本色,煮煮吓菜都要頂撞阿媽兩句,「佢成世人都未食過Brussels Sprouts(小椰菜),呢啲外國嘅嘢,佢邊識吖!」林媽媽亦不甘示弱反擊:「係呀!個杯麵最好味。」
兩母子溝通時唇槍舌劍,像打乒乓球一樣,球來球往,或許這就是母子相處的情趣。

林作與媽媽打乒乓球,其愛犬Aldo亦跳上枱玩埋一份,人有人打波,狗有狗追波,好熱鬧。

 

乒乓飯枱

林作與媽媽同住在麥當勞道的三千七百呎複式單位,分上下兩層,各自擁有私人空間,又能互相照應。由於半年抗疫生活經常要留在家中,令林作重拾打乒乓球的興趣,他將餐枱變作波枱,以書本作球網,他說:「我十歲開始同姨丈、鄰居打乒乓波,又同校隊啲人成日對賽,打得唔錯o架!」
林媽媽則是無師自通,母子較量,林作習慣以左手揸球拍,愛犬Aldo見他們球來球往,興奮得跳起追球,林作索性擺牠上枱一齊玩,Aldo終成功搶走一個波,躲在一旁慢慢咬。
之後,林作又與母親玩「冚棉胎」,林媽媽反應慢,次次都輸,林作沒好氣說:「你反應咁慢,點同你玩啊?繼續專心數啦!」林媽媽坦言兩母子見面多,拗撬亦自然多,「個死仔,疫情前已經成日同佢開波,佢叫我做乜就做乜,佢知我會聽佢講;o依家我哋多咗時間溝通,每晚有親子時間,大家分享下一天嘅工作。」在旁的林作搞笑說:「我哋係生意夥伴,無親情嘅,最緊要搵到錢,就無拗撬。」

 

他又揀了小椰菜做配菜,「以前我在英國最鍾意食Brussels Sprouts(小椰菜),佢成世都未食過啦,呢啲外國嘅嘢,佢邊識!」林媽媽沒好氣地白了他一眼。

 

林媽媽見到兒子煎的牛扒和青口,賣相甚佳,急不及待拿餐具去試味。