為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 06 月 04 日

改選嘗甜頭「黃絲」欲搶奪律師會陣地

香港律師會日前成功改選五名理事,但呢個只係換屆前菜,隨之而來係六月九日舉行正、副會長選舉;候選名單暫時仲未浮面,不過自從「黃絲」陣營連奪四席成為理事,盛傳佢哋有意再下一城,劍指副會長甚至會長嗰位。
副會長同會長選舉將由二十名理事產生,競逐會長唔一定由副會長升任,理事都可越級挑戰;剛勝出理事選舉嘅「新科票王」林洋鋐被視為黑馬,不過有會員認為佢只係新丁,咁快越級挑戰難以服眾,故有傳「黃絲」陣營有意推舉兩位外籍副會長黎雅明同喬柏仁參選,同彭韻僖拗手瓜,但黎、喬兩人至今仍未表態。 消息人士透露,「黃營」現時手執至少七至八票,只要拉攏多三至四票,就有力推舉「自己人」坐上副會長甚至會長個位。
有會員擔心一旦律師會一夜變天,立場將變得更政治化,「如果律師會都變成一個政治團體,以後好難有一個中立專業嘅團體對任何法律問題發聲,擔心到時市民公眾亦唔會再相信法律!」亦有會員坦言理事會肩負監察發牌角色,好講資歷同專業判斷,若然今後只以政治口號掛帥,令人憂慮。

主打反修例旗幟嘅「黃絲派」連奪四席,林洋鋐(右一)更成為「新科票王」。

 

盛傳會內「黃絲」有意推舉副會長黎雅明(左二)及喬柏仁(右一)競逐會長,挑戰彭韻僖(右二)。