為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 06 月 03 日

與外國關係千絲萬縷 拆解「國安法撲克牌」

全國人民代表大會日前通過訂立「港區國安法」後,網上瘋傳一份由啤牌排列嘅名單,列出或將被依法追究嘅泛民人士同「罪名」,首批合共有五十四人上榜。被內地官媒炮轟為「禍港四人幫」之首嘅壹傳媒黎智英、民主黨創黨主席李柱銘、前政務司司長陳方安生同埋白鴿黨前主席何俊仁都榜上有名。
有政壇高人拆解呢份「啤牌名單」,話箇中玄機處處。多次呼籲美國插手香港事務嘅「禍港四人幫」,明顯係「主腦級」。黎智英近日喺旗下報章以頭版呼籲港人聯署去信美國白宮,求美國總統特朗普干預香港事務,呢番「邀請」,被網民鬧爆係大漢奸所為。
數落名單嘅第二梯隊,係「佔中三子」之一嘅戴耀廷,佢一直被指鼓吹「違法達義」;策動「佔中」後,一六年立法會選舉搞「雷動」,之後再搞「風雲計劃」,被指鼓吹隱形「港獨」及「自決」分子搶佔一九年區議會選舉,似乎一心想操控二二年特首選舉,野心唔細。

黎智英(左)同李柱銘(右)多次要求美國介入香港事務,動機耐人尋味,兩人早前更一同會見美國眾議院議長佩洛西(中)。

 

 

 

「港獨」份子陳浩天被列為焦點追究人士之一。

 


而名單上嘅「香港眾志」核心成員黃之鋒、羅冠聰及歌手何韻詩,就被網民封為「新一代分子」。黃之鋒聯同羅冠聰以及「民間外交網絡」發言人張崑陽,早前曾被傳媒影到喺某酒店會見美國駐港領事館官員;到底傾啲乜,認真耐人尋味。
此外,一班活躍「港獨」分子亦上榜,當中分成多個支派,包括香港民族陣線發言人梁頌恆、 前香港民族黨召集人陳浩天、民間集會團隊發言人劉穎匡、香港眾志主席林朗彥 、香港獨立聯盟召集人陳家駒、前民陣召集人兼前學聯副秘書長楊政賢、學聯前副秘書長岑敖暉、前學民思潮發言人兼元朗區議員張秀賢、靠修例風波彈起嘅「國難五金」負責人李政熙、多次高舉「香港獨立」旗幟嘅鄭俠、香港眾志前常委周庭以及民間人權陣線召集人岑子杰等。
多位泛民議員都被點名,公民黨主席梁家傑過去表面強調法治,但自從去年爆發反修例風波,佢個黨就現形。梁去年更喺港大一個反修例風波論壇上宣稱「暴力有時或可解決問題」,畀社會人士群起聲討。至於支聯會主席李卓人,過去被指收取黎智英秘密捐款,佢稱只係「袋住先」九個月。此外,因佔中案被判囚八個月獲刑兩年嘅白鴿黨前主席李永達,以及同為佔中案被判囚八個月獲緩刑兩年嘅公民黨議員陳淑莊,都被列入「追究名單」。
一直揚言要同香港攬炒嘅一眾惹火泛民議員,包括郭榮鏗、楊岳橋、胡志偉、毛孟靜、林卓廷、朱凱廸、鄭松泰、涂謹申等都上晒榜,睇怕呢班人嚟緊有排煩。

「眾志」核心成員黃之鋒(左)同前常委周庭(右)被網民封為新一代漢奸。