為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 29 日

余安安慳錢扮靚大法

現年六十歲嘅余安安,早喺七十年代出道,年僅十六、七歲時已經成名,擔正做女主角。o依家「登六」嘅佢,離過兩次婚,同前夫李萬祺生咗兩個女文琪及文騫;而大女仲喺幾年前出嫁,畀佢榮升埋外母。不過,佢嘅外表及心態,同樣保養得宜,keep住年輕。
早前下午大概五點,東姑喺銅鑼灣渣甸坊巧遇余安安,一個人去到一間美髮用品店買嘢。當日,着住白色圖案T恤、牛仔褲嘅佢,打扮入時,跟時下後生女衣着冇咩大分別,完全睇唔出佢已經六十歲。現場所見,佢喺舖內擔天望地,細心研究各款電風筒,又不時問吓店員嘅意見。佢揀足大半個鐘,兼即場試用,測試吓風力;最終,扑槌買咗一支大約二百八十蚊嘅風筒,再選購埋店員推介嘅洗頭水、護髮等嘅產品,買咗一大袋嘢離開。
其實,平常去髮廊整個頭,閒閒哋都幾百蚊落樓;而余安安買個專業風筒,掃埋一堆護髮產品返屋企,實行DIY自己個頭自己set,相信真係慳唔少。睇嚟,佢呢個「靚媽」精打細算,識得用最慳錢嘅方法扮靚噃。

 

 

 

愛靚嘅余安安,喺店員推介之下,仲買咗啲護髮產品,保養秀髮。

 

下午約五點鐘,余安安一個人去到銅鑼灣一間美髮用品店shopping。